ذكريـــــــــــات ...
لحظة تلاقينا و ودعنا الأحزان
أصبحت أنا وياك للحب مقياس
فتحت لك في القلب صفحه و عنوان
وارخصت لك دمي ولك جفني لباس
اعطيت مشوار الهوا حب و حنان
مشكو ر ما قصرت يا رافع الراس
عشت الهوا وياك صورة با لألوان
وابدعت في الصورة ولأبداعك احساس
واليوم انا شايفك للايم و زعلان
معذور ما الومك ولو لامك الناس
هذي صروف الدهر واثنيننا انسان
لاذقت حاليها ترى المر في الكاس
ابيك تعذرني ولك مني أيمان
ما هب لي في غير دنياك نسناس
تركتني فارس وماسك له عنان
ما تدري ان الخيل تحتاج سواس
وقفت مشوار الهوى وبات حيران
من يكمل المشوار يا واضع الساس
مابي الليالي ترد لي منك ماكان
ما أرضى عليك اللوم لاحل بك باس
ودي نعيش اليوم ذكرى لها زمان
و نتوج الذكرى بحفلات و اعراس
خليتني بذكراك هايم و ولهان
لا غبت عن بالي ذكرتك بهوجاس
حيرتني وياك وان قلت غلطان
معذور انا وياك يا محير الماس