ليش نحب اللي ما يحبنا؟؟؟؟



وردة تركي

كان تركي يتمشى في حديقة بيتهم لقى ورده بمنتهى الروعه.. قال بعطيها
لحبيبتي ندى .. كانت ندى بنت جيرانهم جميله جدا و خلوقه , راح وحطها
قدام باب بيتهم وهي رايحه للجامعه..



شافت ندى الورده وكانت تعرف انها من تركي, بس ماكانت تحبه, كانت هايمه
بحب فيصل اخو صديقتها اللي كان يوصلها للجامعه كل يوم.. لما جت تطلع
من السياره تركتها على المرتبه علشان ياخذها فيصل ..



لما شاف فيصل الورده كان يعرف انها من ندى لكنه كان متيم بغيرها ..
كان يعشق العنود بنت خاله, راح وخلى اخته تعطي الورده للعنود ..



اخذت العنود الورده بس ماكانت تحب فيصل الا زي اخوها, كانت معجبه
بمحمد اللي كانت تشوفه كل يوم وهي راجعه للبيت قاعد موقف سيارته برّى
كأنه ينتظرها.. وحطت الورده على سيارته مره وهي داخله بدون ما تناظره
..



اخذ محمد الورده وقال هذي ما اعطيها لغير حبيبتي ساره اللي يجلس كل
يوم ينتظرها ترجع من الدراسه , اول ما دخلت العنود علق الورده على
الباب علشان اذا جت ساره اخت العنود تشوفها وتاخذها..



جت ساره, شافت الورده ماعرفت هي من مين ولا كان همها تعرف لانها قررت
علىطول انها تعطيها لسعود حبيبها اللي ماتقدر تعييش من دونه... ولما
قابلته بعد المدرسه.. اعطته الورده..



كان سعود ولد لعاب يكلم الف بنت وبنت, قرر يعطي الورده لرشا اللي كانت
رافضه انها تكلمه راح قدام رشا وهي طالعه من المدرسه ورماها قدامها..
اخذت رشا الورده و حطتها بالشنطه وقررت تعطيها لولد عمها اللي تعشقه
وتحبه اكثر من اي شي بهالوجود اللي هو سعد..



اخذ سعد الورده وفكر من مين جته؟!!.. ماعرف لكنه قرر يعطيها نوره
البنت اللي شافها مع اخته بالسوق, راح السوق مع اخته اللي كانت مواعده
نوره وشال الاكياس عنهم وحط الورده بكيسة نوره..



شافت نوره الورده بالكيسه استانست لانها لقت شي تقدر تعطيه لحبيبها
وحياتها اللي يجي يسلم على ابوها كل جمعه.. الل هو (..تركي..).



اخذ تركي الورده وعرفها, وقعد يبكي...



سؤال: ليش دايما نحب اللي ما يحبنا وما نحب اللي يحبنا؟ ليش دايما
نعذب نفسنا؟