البدويه .. العيميه .. ولحضريه

الفرق بين البدوية والحضرية والعيمية بس بدون زعل قلنا بدون زعل والي ما يعـيـّبـه الكلام يضرب راسه بالايدار .....

1- البدوية يوم ايونها زوار تضيفهم بالقهوه... وياويلك اذا شربتك قهوة و ماهزيت الفنيال والله لو اتشربك عشر فناييل واييك داء الرعشة بعدها بتصب القهوه واتقول تفضل انته غالي علينا.. ماشي عقل امبرمج ومقفول على هزه الفنيال.
وبالنسبه للحضرية يوم ايونها ضيوف اونــــّــه اتيكيت بسكوت و بتي فور وعصير وتعطيهم من الزين الي عندها عشان ما يقولون بيت فلانه احسن منها

وبالنسبه للعيميه مافي عاب وطاب اول ما ايونها تعطيهم بيبسي وميرندا واذا كريمه حطت فيمتو (( اونه عاد نوّعت )) واتم تطالعهم (( يعني روّحوا اشتبغون يايين شرب وشربتو ))

البدويه لازم اتخلص الكوب عشان غيرك بيشرب (( يعني لازم تلحسه))
الحضرية لازم اتخلي نص العصير(( اونه اتيكيت )) واذا شربته كله قالت في قلبها يوْ عيال فقر
العيميه تعطيك نص بيبسي وتحسدك عليه وفي قلبها (( زقووووووووم في جبدج ))

-------------------------------

2- البدوية يوم تنعزم... تتشرط اذا عزيمه مافيها عيش ولحم وهريس ما اتسيـــــر على طووول وقبل لا تاكل اتقول ... بسم الله الرحمن الرحيم .. بدينا بس الله وتعطيـــــــــــــــــه مافيه عيش لحم شحم هريس واترد مره ثانيه عيش لحم شحم هريس .. المره الثالثه غيرت يعني هريس شحم لحم مافيه البنيه بالخمس عاطتنه .. اشويه ولا اتحس شي في يابس في حلجها ولا ماكله خاتمها
تعال وشوف الحضرية يوم تنعزم .. عزايمها اذا في بيت لازم على قد المستوا ولا ما بتسير واذا في فندق لازم يا كوتنيتال ولا الهوليدي ان .. يعني اماكن محدده بس ... ولازم الشوكه والسجينه موجودات .. ويوم ما يعيبها الاكل قالت .. لا انا امسويه رجيم مابا .. يوم الثاني تنعزم في كوتنيتال مافيـــــــــــــــه تعطيه اكل (( وين الرجيم وين الاتيكيت ))
اما العيميه اتحب تنعزم في اي مكان عادي عندها المهم عندها اتشوف ربعها (( وفي الواقع المهم عندها تمزر بطنها اونـــــــه الجذابه ههههه )) ويوم تنزل على الاكل تعطيـــــــــه ما فيــــــــه تاكل اكل حق يومين جدام.. وفيه بعض العلماء قالو تعطيـــــــه حتى العزيمه القادمه اي اذا كانت حق يوم الثاني تاكل مال يوم واحد جدام (( اختلف العلماء ولكن تبقى الحقيقه واضحه )) وفوق هذا وذاك بعدها الملعونه محافظه على رشاقتها ونحافتها. طبعا السر يكمن في المشاوى بالمايونيز

----------------------------

3- البدوية يوم يكون عندها مناسبه يا خطوبه يا زواج يحليلها مسكينه بس هاي المناسبتين اتسير...... يوم الاثنين العرس .. حدث ولا حرج (( اتفق العلماء ان هاي الكلمه اشتقت البدو )) تتصل بربعها قبلها بيومين وتقبض التلفون الساعه 6 الصبح (( شغل ماشي )) وتتصل وتتصل وتتصل لين الساعه 10 فليل .. تراه وقت رقاد الحين... واتكمل يوم الثاني وتتصل وتتصل وتتصل فلانه تراه فيه عرس.. فلانه تراه فيه عرس.. فلانه تراه فيه عرس.. ولين ما يخلصون ربعها الي اتعرفهم... والي ما اتعرفهم بعد تعزمهم (( هاي كيف ما ادري بس هيه تتصل ))
اما الحضريه لازم تكون مناسبتها عيد ميلاد ولا عيد زوااج ولا فلنتاين دايز تعزم ربعها كلــــــــــــــهم ما عدا اهلها (السؤال ليش اتفق العلماء انه اهلها يفضحون ههههه )
والعيميه عمرها ما رفضت طلب كل المناسبات افا عليكم انا يايه وليش ما اي ويوم اتسير ما تعزم الا وحده من ربعها بــــــــــــس السؤال ليـــــش (( اتفق العلماء وقالو لو عزمت اكثر من وحده يمكن ياكلون اكلها فمافي داعي وعلى قولتها انا اولى وانا وراي درب لين العزيمه الثانيه

-----------------------------

4_يوم يسولفن البدويات كل سوالفهم عباره عن الحش والقليل من التقطيع ويفضلن التعييب في محاسن الشباب (( يحليلهم والله )) الا فلان يشرب وفلان زخوه ويا لبنانيه خايسه (( يعني منقهره ههههه )) وشفتي بنت فلان شو لابسه (( ما اتروم تلبس مثلها وييييييو ))
والحضريات ما عندهم سوالف الا شفتي شنطتي تراها ماركة (( ههههههه جذابه مال بانكوك شفتهم بعيوني يشترن ستور شنط بألف بات يعني 90 ريال )) شفتي ساعتي تراها ماركه هههههه بعد جذابه..لا القهر وين يوم يقولن انا بــــابــــــــــاه (( ابغله واشمتنها واتقول باباه )) انا باباه يابلي هدية ساعه من لندن ومناك ابوها امطيّح في بتايا ههههه(( اتفق العلماء في ان تقليد الساعات من ثلاث درجات وهن اكيد من الدرجه الاولى عشان محد يكشفهم يعني اغلى ساعه عند التايلانديه موني 1200 بات يعني 100 ريال))
والعيميه يوم اتسولف في اشوها تسولف ... يسولفن عن فتح محل حنا محل خياطه في كيف اييب بيزات (( اتفق العلماء ان اساس اقتصاد الامارات هم العيّم .. وانا اايد هذا الشي ))

----------------------------

5_ البدوية يم تترقم تفضحه واتزعق من بلعومها يا الخايس يا الي ما تستحي يا قليل الادب يا يا يا يعني الشاب من عندها لين تقاه الله من كثر الحط الي اتحط عليه وما اتسويله خاني ماني بالنعال على راسه هوه واربيعه وما ترتاح لين ما يشهد بالشهادتين ويخاف ربه ويخطبها غصب (( والله خطه حلوه هههه صدق ان كيدهن لعظيم ))
والحضريات فيه منهم والنعم وفيه منهم يقولون عادي(انا خلقناكم شعوبا وقبائل لتعارفوا)يعني نوبربلم ..
والعيميه هم كذلك فيه منهم والنعم وفيه منهم مب اي شاب يمزر العين لاااااا والف لا لازم لابس نعال بشوتي وكندوره امرتبه (( يعني مب ماكلتنها العنزه )) والغتره والنعال وموضه السنه بي ام اكس فايف او بودمعه واذا ماشي ماشي يقولن يالله انشاءالله محدي حوّش مب مشكله في لكزس

---------------------------

6_البدوية غير العباه والوقايه والغشوه العاكس 100% حتى هيه نفسها مااتعرف وين سايره الا اتدعم يمين ويسار
الحضرية عباة وقاية آخر موديل الي الي يوم يسير يفصلونها المفصل يذلهم عليها هههه ما يعطيهم الا ما يوقع فيها ... لااااا وفوق هذا كله شو يلبسن تحت العباه عااااادي جنز ولا ستريج عباه امستره وسترج كيـــــــــــــف ماادري
اما العيمية الوقاية الجتف ودايما اتكون امطرزه ومخصره فرنسيه (افهمها رقمني يالله)..لا وتقولك ويـــــــــــــــه شوفيهم الشباب عمى بس يغازلوني انا جنه مافيه وحده حلوه غيري .. هذا وانا لابسه العباة كيف لو اعق العباة شو بيساوون ؟؟.

---------------------------

7_البدوية يوم حد يخطبها لازم يكون ولد عمها مافيـــــــــــــــه عقل امقفل امبرمج على هذا الشي وبس
الحضرية لازم يكون وسيم وحليو وغاوي عشان تتفشخر فيه جدام ربعها
اما العيميه اهم شيء عندها الطيبه والاخلاق والفلووووس قبل كل شيء وتطلب كل شي ما اتخلي شي في قلبها حقها وحق امها واهلها (( ولو كتب روحه حتى بأسمها ماتقول لا) حشى بيتزّوج حياة ديانا

--------------------------

8_البدويه احلا من الحضريه والحضريه احلا من العيميه ..
اتفق العلماء بأن العيميه احلاهن كلهن بس قبل الزواج اما بعد الزواج ينجلب والويه وااااع ليش ما ادري
+ + + + + + + + + + + + + + + + + + + + + + + + + + + + + + + +

اولا واخير البدوية والحضرية والعيمية كلهم اخواتنا واحنا مانرضى عليهم بأي كلمه والكلمات كلها سوالف ووناسه ولايزعلون


مع احترامي لكل بنت سواء كانت بدويه او عيميه او حضريه




تحياتي ...




لو طالت المده ترى القلب مامات ... يذكر رفيقه لو رفيقه تناساه


من الا يميل الي جاني على البريد

مع تحياتي /
الدحمــــــــــــــــــــــي