بسم الله الرحمن الرحيم:
البندري: هلو المها كيفك؟
المها: هاي البندري وش احوالك
البندري: انا اوكي كلش تمام لكن قولي لي وش اخبار زوجك حمودي بعد هزيمة الزعيم؟
المها: حالته نقطع القلب تصدقين له يومين مقفل عليه غرفته ولا هو راضي يكلم احد, حتى الاكل ماكل الا شوية شيبس وكل ماكلمناه وحاولنا فيه يقعد يشد في شعره ويصارخ علينا, ويكسر الكيسان وطوال الوقت يشغل موسيقى غربية , ولا يبي يسمع لاحد
البندري: آه ماي قاش , الله يعينه , وليه ماتكلمين احد من اصحابه يجي يؤنسه
المها- مايبي يكلم احد حتى عمله له يومين ماراح
البندري : وليه ماخبرتيهم
المها: اتصل زميله وكيل الوزارة ابو عبودي وقلت له عن حالته وقال لاتشيلون هم مرة خليه يرتاح ولا يجي الا بعدما ترتاح نفسيته وكل المعاملات انا باكلف واحد ينوب عنه, وبصراحه طلع ذوق مرة وانسان راقي,

البندري : ايه , من اجل عيون الزعيم كل شيء يهون, الله يديم المحبة بين جماهيرة ويكفيهم شر حسد الحساد,

المها: حتى اخته ريناد قطعت اظفارها وشفايفها متاثرة مرة من نتيجة المباراة، والله خفنا عليها مرة, ولا تبي تجلس في البيت، اكثر وقتها مع السواق خارج البيت , ماتتحمل الجلوس في البيت مرة, حتى صاحباتها استاجرن استراحة واحضرن مطربة وسوين ديسكو على شانها لكن الى وقتنا هذا باقي متأثرة,

البندري : الا قولي لي وش رايك بكرة ودي تجيني عندي جمعة لصاحباتي البرشلونيات نبي نتفرج في المباراة مع بعض ولك عندي وجبة يحبها قلبك لذيذة مرة, وياليت تجيني بدري لاني جهزت المسبح واذا فاز فريقنا ابشري بحفلة طرب غربي,

المها: ياليت ولكن عمتي عيد ميلادها بكرة ومسوية حفلة كبيرة وفيها طرب عربي وغربي , لكن باحاول اعتذر واجيك. ولكن ليه ماتعزمين ام حمود انا احس انها طيبة مرة

البندري : ام حمود وع وع انا اعزم ام حمود , الله يهديك يالمها ضحكتيني , ومن متى انا اجلس مع الاشكال هذي, مشجعات الزعيم مستواهن عالي مايجلسن مع اي ناس,
اجلس مع واحدة نصراوية!! , وع وع الله لايقوله!
حتى زوجي مايحبهم ويقول حتى اشكالهم غلط ولا فيهم ولا واحد كشخة,

المها : اقول لك خلينا ندخل البالتوك ونروح روم الزعيم نشوف وش الاخبار ونتبشر عن الكاسر وعن احوال رادوي,
البندري : خذتيها من راس لساني لكن وش نكك الجديد
المها : نكي الجديد: نملة حامل ,
البندري : بصراحة نك متميز مرة حسدتك عليه , كيف فكرتي فيه؟؟
المها تبين الصراحة : زوجي حمودي هو اللي اختاره لي , الله يحفظه من كل شر,
البندري : حتى انا باكلم زوجي عبودي واخليه يختار لي نك جديد وانا واثق من ذوقه,
المها : باي
البندري : باي باي سي يو سون
--------------------------------

ونحن من طرفنا مانقول الا الله يسعدهم ويسعد كل من يحب السعادة

سؤال: هل ارتفع عندكم الضغط, بالنسبة لي ارتفع عندي حتى الكليسترول