يسعد مساكم مع صباحكم بكل خير
ياعضاء قرية العصداء من ضمن القصايد الجديده اتمنى تنال اعجابكم

انا نقلة هلقصيده لنها عجبتنى وقلت انقلها لهل العصداء اهل العصدا حبايبنا ولا ايش الهرجه >>>>> اخلص لايكثر


البـــارحه في ليــل مظلم خــــــــــلاوي

جالس افكر في زمـــــــــان الحظـــاره

حظــــارتــن شفـــنا معــاها البــــلاووي

دمــار والمــــــــوضــه سبايب دمــــاره

فيــــــه البنــــــات يحاربنّ الغطـــاووي

بـضيــق العبــاة اللي تضــايــق زراره

تمشــي تـخـمـع في مـجـسم رهـاوي

يـــدن بها جـــــــــوال ويـــدن زقــــاره

اصبـــح لهــن مجلاس عنــد القهـــاوي

ياخــوفي من بكـــــرا يردن سكـــارى

اصبح ضروووري بالمحبه تخـــاوي

وش هالزمــان اللي غريبــن مسـاره

اما الشباب اللي تطووول الحـــكاوي

اللي ضيااااعه صايرن من شعـــــاره

البعــــض منهم للمشاكل غــــوااوي

اكبر همـوومه بالحــيــاة الدشــــاره

ابـــوه يشكـــي ماتــفيــد الشكاوي

من كثر سجنه صـــاير السجن داره

والبعض منهم في حياته هـــــواوي

نمــره على درب الغـــزل واستمــاره

يرقص على موضي حياته غنــــاوي

سهران كل ليــلــه ونايم نهــــــاره

يسحب على ساره يصاحب مضاوي

وتزعل مضاوي ثم رجع يم ســـاره

في دنــيته عايش وعاشــق وهـاوي

كـــل الحـــرام وكـــل دربــــن دعــــاره

هذي حياتـــه ياحيـــاة الشقـــــــاوي

ياكثـــر من مثـــله حيـاتـه خســــاااره

متجنبــن اهل الذمــــم و اللحــاااااوي

المسلــم اللي لحيته هي وقـــااااره

ماكنت نـــاوي والله ماكنت نــــــاوي

بس الحــــراره يالهــــيــب الـحــراره

مانــي بقــاوي بس مانـــي بقــااوي

افصّـــل الواقــــع بثـــوب الطــهــاره

يالله ستــــرك من زمــان البـــــلاوي

يالله تســـتر من زمـــان الحـــظاااره

تحياتي