يا سلام عليك يا الوتيشي

الحقيقة لا أملك إلا أن أقول عيني عليك باردة
ولا أخفيك إني بديت أغير منك
كل يوم فكرة وش كل يوم كل ساعة فكرة جديدة

آقول... كثر الله من أمثالك.
أخيك / أحمد

ولكن على فكرة في بعض الأحيان آشوفك تجمد ما ترد على بعض المواضيع. ترى الاسترسال في المواضيع يجعل لها نكهة مميزة خاصة

معذرة أنا سأرد على نفسي
ولكن الفكرة عجبتني وتجاوبا مع الأخ الوتيشي

أقول كان عمري قرابة 9 سنوات وجاء يوم العيد استيقضت على صوت الأولاد وهم يصايحون وطراطيع واللي عنده بلف " البلف هو بلف الكفر اللي كنا نستخدمه بدل الطراطيع" المهم إنا بعد الصلاة بدينا نلف على البيوت وفي كل مرة نخرج مع بعض ونصيح بصوت واحد عاد عيدكم ونجي ركض على البيت اللي بعده.
ولكن هذي المرة بقيت وحدي لأن البيت اللي دخلناه فيه قريبة لي
وليس معقول إني أخرج من عندها بسرعة زي باقي الأولاد لأن والدي كان يسوي كذا
وانتظرت شويه وقلبي مع الأولاد ولكني تورطت فما أدري وش آقول إذا جيت خارج لأني نسيت وش يقولون الأولاد. المهم تغيرت ملامحي ولاحظت ذلك قريبتي وقالت لي تبغي تلحق الأولاد قلت ايوه قالت قم قلت : الله يرحم والديك ولا أدري وش ردت عليه لاني كنت في وضع لا أحسد عليه.
المهم هي فهمت إني كنت أبغي الفكة وراحت لأهلي تشتكي من كلامي ولما رجعت البيت سألتني أمي قلت والله يا يمه إني نسيت ولا أدري وش آقول لها واللي قلته لها هو ما تذكرته ذاك الوقت.
صادف إن عندنا حريم يعيدون برضه والله لا يوريك صرت مهزلة بينهم لأنهم صاروا يضحكون عليه. وعندما علمت قريبتي بالموقف دعتني وقبلتني وأعطتني المقسوم وهي تكاد تفطس من الضحك.

يا ناس وين رحلة ذكرياتكم
ترى نحتري بفارغ الصبر

وإلا نهون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اذا تبغى الحقيقه...اني انا ماعندي ذكريات جميله....كلها شينه ومنها مره في العيد جيت كاشخ.....وشايل طاسة المرقه في العيد ابغى احطها في المجلس عشان الفطور"العيد" وكان المجلس شبه مليان من اهل القريه......المهم ياطويل العمر...جيت ابغى احط المرقه..شوي ولا العقال حقي"طبعا العقال كان جديد"..شوي و ان العقال وسط الطاسه.."رحنا فيها ..من وين نجيب مرقه الحين"..طبعا اول ما طاح العقال تحركت عيوني تلقائيا الى الوالد الذي هو الا خر بادلني النظرات النص كم"نظرات مرعبه"...
قلت والله مالها الا طاسة الحريموانقز ياطويل العمر واخذ مرقة الحريم ولا منشاف ولا من دري.........................