تويت
تحية ملؤها الطهر
أنا يا منبع أحساسي غديت بدنيتـي حطـاب
أدور عن خشيب ٍ لاشتعل يحرق لي أهاتـي
أنا من كثر مآ أحْرِق من الآهات صرت ارتاب
أخاف إن الرمـاد يصيـر بوابـة متاهاتـي
أخاف أصدق ويلفي من يقول إن الفتى كذاب
وأخاف أكذب ويلفي من يصدق في مباهاتـي
أنا يا صاحبي لو قلت باخذها على الأسبـاب
ألا يا كبر هقواتـي ألا يـا كثـر شرهاتـي
إذا منِّه تعرى الكتف باخذ لوعتـي جلبـاب
وبكتم ونتي وأخفي على شـرواك تنهاتـي
يقولون الزمن بيعلـم الجايـع يحـد النـاب
وأنا ما حـد نـاب الحقـد وأدل اتجاهاتـي
أنا وش قيمة إحساسي إذا وجه المحبه غاب
وأنا ما استبدل إسعادك بحفنه من كراهاتـي
صحيح إني من الامي عجزت آجمِّع الأحباب
ولكنـي قـدرت أثبـت لعدوانـي نزاهاتـي
تقبلوا تحياتي
سعيد الغامدي
تعليق