تويت
أقول يا من صاب عقله هبالي *&* يومك وصفت أهل الجنوب أنت غلطان
رميت رمية مثل رمي الخطالي *&* وأخطيت بالرمية ولا صبـت نيشـان
ما تدري أنه عيب شتم الرجالي *&* اللي على كسب الطويـلات شجعـان
والله مـا يقبـل كلامـك شمالي*&*يـدري بعـادات القبايـل والأعيـان
ما أدري على ويش الكبر والتعالي *&* ياشاحذ الأموال من كـل سلطـان
فقران تشحذ درهمه والريالي *&* متسـول وتقـول يـا نـاس جوعـان
ليتك سكت وكنت لاهي وسالي *&* لكن على نقصـك تبـي زود نقصـان
جنوبنا في كل شي مثالي *&* دار الشرف والجود مـن سالـف أزمـان
وأحنا الجنوبيين عز وجلالي *&* ترخص دمانـا مـا نسـاوم بالأوطـان
بالعلم والتدريب طلنا المعالي *&* فالهندسـة والطـب والجيـش مليـان
والشعر فينا له حضور ومجالي *&* عرضة و ردية و طاروق و ألحـان
أبدى من الطايف و أشد الرحالي *&* من باحة الأبطال غامـد و زهـران
والجو في سبت العلاية صفا لي *&* بأهل الشيم بلقرن و خثعم و شمران
و أحلى المناظر بالنماص الخيالي *&* موطن رجال الحجر لابة و شيخان
وعند أهل بيشة جود من تمر حالي *&*أكلب و بلحارث و صبيان شهران
و ابها تباهت بأهلها والجمالي *&*عسير و أصحاب النواميـس قحطـان
و الفزعة اللي كم تشد أنذهالي *&*فزعات يام أهـل الشهامـة بنجـران
و أحسب و لا أنسى لو يطول أنشغالي *&*أهل القضا والفقه أشراف جازان
و اللي نشد عني و عن وصف حالي *&*خذ الخبر ما دمت واله و شفقان
أنا من آل عبيد عمي و خالي *&*بلقرن لي عـزوة و مرجـع و عنـوان
دون الجنوب أفقد جميع أحتمالي *&*و أثور من أجله كمـا ثـور بركـان
دام الحمية عندنا ما نبالي *&*لو صار فـي ذا الوقـت رجفـه و ميـلان
هذا جنوب العز ماضي و تالي *&*لو تحقره يا اللاش عالـي و لا هـان
و الختم أبي تقرا و تفهم مقالـي *&*إن كنـت للمعنـى نبيـه وفهمـان
خل المهأيط و الكبر و التعالي *&*و أحذر تسب أهل المراجل بنقصان
تعليق