خاطرة
______
حبيبتي...
يا من اتصل عليك كل يوم...
و لا تردين..الظاهر عندك كاشف...
ردي..ردي..
ردي لا اتوطى ببطنك يالمنتفخة.
***
حبيبتي...
البارح ابوك صادني...
كفخني..جلدني..حاس مريري...
لكن عشان عيونك...و الله ما أجيب ربعي...
تعرفينهم..حبيبتي
شلتي..جماعتي..
و الله ليجلدون ابوك السمين..
الين يقول امين.
***
بعد عمري...
بعد طوايفي..
انقلعي...
لم اعد أحبك مثل اول...
انك في حلقي غصة...
و في فؤادي جلطة...
و في عقلي قصة...
قصة عذاب سنين...ترقيم وقلة حياء...
كل هذا عشان خشتك يالمنتفخة.
***
آآآآه لوتدرين...
آآآه لو تعلمين...
لم اعد انام الليل...
سرت اسهر و انام بالنهار...
كل هذا شوق و حنين...
ايه بلاك ماتدرين.
***
نجوم الليل صارت كثيرة...
من يوم عرفتك و انا اعد..و اعد...
ما خلصن..يووووووووووه ما اكثرهن...
وجع ...و الله لو انهن حبوب وجهك...
بلا في شكلك يالمنتفخة.
***
البارح سهرني عبادي
و قبله محمد عبده
شوق والم
اكتب من غير قلم
اكتب جروحي على جبهة السنين
آآآآآه لو تدرين
***
البارح كتبت قصيدة..
سميتها*البنت اللي دوم تاكل عصيدة*
الله ما اثقلك..ما امتنك..
انت قرية...لا مدينة
انتي أمه...بلا حضارة او تاريخ...
انتي نهر...انتي بحر...انتي المحيط بكبره...
انتي قمر...انتي كوكب...انتي مجرة درب التبانة...
الله يرجك يالمنتفخة.
***
الناس تقول يا بخته...
يحب بنت تكفيه مائة سنة...
من كبرها...تقول للقمر قم ياورع...باقعد مكانك...
لكنهم ما يدرون عن عذابي...
عن آهاتي و معاناتي...
عن سهر الليالي و المعسل اللي يخنق...
كح كح كح كح..
كل ما شفتك اكح...
ما ادري ليش...
هو ابتلاء..و الا عذاب من رب العالمين
الله يعين
***
خلاص...
خلاص من حبكم يازين هونا..
خلاص عزلنا...اذن...
ودي اروح اتوضى...
وخري عن وجهي..شوفتك تنقض الوضوء...
و تسد عني الهواء و الضوء...
الله يقطع هالخشة...
آآآآه لو ادري
***
باروح للمنتدى اليوم...
و اعلمهم عساهم يدرون...
يمكن لا دروا يخف عني العذاب...
و ينسد في وجه الرياح باب..
لو بيدي...سجنتك في زنزانة بالف باب...
الله يقطع العذاب...هو حب والا الحب عذاب..
ما عاد اميز وين رايح...
ما عاد اميز وش اقول...
اخ حشران باروح ابـ(@@)..
***
تدرين اني ما عاد اواطنك...
زهقت..كل يوم تغلي و غرور...
وش هو عليه...فاكرة نفسك من الحور...
لو يدري عنك ابليس...
سلم لك العهدة وسرتي الرئيس...
اه يالمنتفخة
***
الامي كل يوم في ازدياد...
و النور عني في انحياد...
تدرين ليش؟؟بلاك واقفة قدام اللمبة...
وخري وراي مذاكرة...طاعون يشق بطنك...
آآآآه لو يدرون
***
خلاص ماهنا مفر...
من بكرة باحط حد للامر...
باعلم عليك ابوك يالغزلنجية...
و باسلم نفسي للاحداث...و الا اشوف لي مصحة نفسية
تراهم يمدحون شهار...فيها بلاوي كثيرة..و اسالي باو واو
***
خلاص خلصت قصتي..
اف تعبت من الحروف...
سهر
ارق
عرق..لا تكثر بعدين ما تقدر تروح البيت...
آآآآآه لو احد يدري

من يدري
اللي يدري يرفع ايده






ودمتــــــــــم
منقول