تويت
[ في حصونـكـ وسـط عرشـكـ تامر وتنهـي هنــاكــ ]
ماخضعت الا لطيبك وماانحنيت الا فداك= وماجبرني غير من مثلك ابوح ابمـا خفا
كل ما في الامر اني ودي اشرحلك غـلاك = بس تمنعني حواجز تصرخ فوجهـي كفـا
واكتفي بإحساس وده يرتوي من نبـع مـاك =او بحلم ايضم طيفك كلـه احسـاس ودفـا
شفت كيف اقنع بشوفك في خيالي يا ملاك؟؟= شفت غاية مطمعي في حلم لو جفني غفا؟؟
ودي في احيان اكسر حاجز الصمت ابعراك=وابتدي ابخطوه جريئه في وسط رمضا بحفا
كلها روحي اراضي تحتضن صافي سمـاك=والعطش يبس عروقن ضاميه لـك ترجفـا
في حصونك وسط عرشك تامر وتنهي هناك= وتحتفي لو جاك طارش من جدا حرفي لفا
ادري ابإحساس قلبك وتدري بحساسي جداك=وان كلي لو ينادا بأسمـك الغالـي احتفـى
وش علينا يا عيوني مـن هـذر هـذا وذاك=دامنا في حضرة الحساد نرشـف م الوفـا
خذني ابصادق شعورك وامتلكني في حماك = واوعدك ببقى رهن يمناك لو عمـري عفـا
لــقائلهـــــــــا= طيب الخزامـــــــــــــى