بسم الله الرحمن الرحيم

إهداء لأستاذي الغالي/ فلاح منشار وإعذرنا على القصور يابو محمد


كثر ما أبحر بعينك ما على شطك رسيت = كلما قربت أرسى موج رمشك ردني
رافع شراعي ومبحر عل لي بلحظك مبيت = ما دريت إن ريح سحرك للمهالك ساقني
ما قوى مركب جفوني يقطع البحر المميت = والسواد اللي يحيطه شل قلبي وراعني
شف رداة الحظ جتني يوم في بحرك سريت = صادق اللي قال عطني حظ وللبحر ارمني
لو أبي أقرب رحلت ولو نويت البعد جيت = كيف أبسلاها عيونك وف بحرها موطني
حاظنك شوق بيديني ما فلت لوني رخيت = لا بلغت الحب عنوة دخل عينك ارخني
حطني في وسط عينك وانتبه لامن بكيت = أغرق بدمعك وأنا اللي بحر عينك هدني
ألهني في نهر طيبك وأبتسم لامن شكيت = لا توديني المهالك وإنت توك جبتني
خلني أرقا لجبينك بدر وبضوه مشيت = خلني أرجوك ماشي تحت ضوك خلني
أرخ ليلك لجل أبسهر وأشعل العالم ببيت = وأطفي حروفي بدفتر يا كثر ما سمني
لو نثرت الشوق غنوه أو لحن للموزريت = حلّي لسانك أمانه بلحن شرقي وغنني
أو رسمت الحب صورة حالمه بألوان زيت = ترقص الريشة تلون/ بدم قلبي لوني
أعذر حروفي بوصفك والكلام اللي قريت = أدري إنه ما يوفي حتى لو قافي هني
ضامي لبحرك وأشوفه ما يكفي لو رويت = أروني لو ماك مالح اروني ثم اروني
أعرف إني م البداية تهت وبعينك رسيت = وف النهاية أدري إنه موتي بعينك دني


وسلامتكم ؛؛