لاقلـت احبـك اسكتي...واسمعينـي


ماجيت أدوّر فيك لوعات وجـروح..
جيتك وأنا كلي أمـل ...تسعد ينـي ..



جيتك وأنا كلي أحاسيس ووضـوح ..
جيتـك أبـي لوساعةٍ...تفهمينـي ..


والله ماغيرك سكن داخـل الـروح ..
ولاغيرك انت وسط قلبي وعينـي ..



والعاشق اللي يعشق بصدق مفضوح ..
لو جا يـرد الشـوق لازم يبينـي ..


لاتسالين وش ورى الهـم والنـوح..
وفي عز جـرح القلـب لاتسالينـي..



ياليتني أقدر علـى البـوح وابـوح..
ان كان ماشفتـي الشقـا محتوينـي ..


ياللي تحسب الهوى لعب ومـزوح ..
شوف سواة العشـق والهـم فينـي ..


بعض الغرام ايجيله ايـام ويـروح..
وانتـي غرامـك بالحشـا مبتلينـي..

لاتتعبيني يـادوى القلـب والـروح..
لاقلت احبـك اسكتي...واحضنينـي .