(1)

ترى الغيوم اللي لفت وامطرت بي
00000000من يمكم كانت سحايب مطرها
اسقت جذور الشك لين اورقت بي
000000حسبي على اللي في خفوقي بذرها
عانيت مير الدمعه استانست بي
000000000عانيت واثر الآه فيني وترها
يا سيدي كل الهموم اسكنت بي
00000000فيني صحاريها وفيني بحرها

(2)
ماانت شاعر
لاتصدق من يصفق لك
ترى توك بديت
والكلام اللي كتبته
لاهو نثر ولا خواطر
ماانت شاعر
بينك وبين القصايد الف قصه
والف موعد والف كذبه
بينك وبينه عتاب
وجرح مايبرى
وصوره واتصال
بينك وبينه اماني
بينك وبينه اغاني
بينك وبين القصيد اللي يشد الانتباه
عمر كامل
بينك وبينه عواذل
بينك وبينه وشاه
بينك وبينه سهر
بينك وبينه فراق
ولهفه وشوق وامل
بينك وبينه صديق
مايقول الا الصراحه
والصراحه ماانت شاعر



(3)


هذه الرساله بعثت بها لزميل وصديق عزيزكتب قصيده قال فيها لو ان مطار دبي له قلب واحساس وشعور لشاركه الاعجاب
بتلك الفتاه التي قابلها هناك فأجبته بهذه الابيات

لو مطار دبي قلبـه يحس ولـه شعور
كان غطرف لك وصفق و غنى واحتفل
كان من حقه يزيد البهاء والنور نور
كان من حقه يزود على سمنك عسل
واليراع اللي تلقاك من بين الحضور
اشغلك لكن ما صد عنك وما جفل
كان متحشم وجاك بدلاله في سفور
ما احتمل يوم ان غيره تصبر واحتمل
كان يتمناك تاخذ بيمناه وتثور
صامل قلبه ولكن قلبك ماصمل
وانت لو انك تخليت عن بعض الامور
واحتملت ولايشيل الثقال إلا جمل
كان تقضي باقي ايام عمرك في سرور
مير ما سويتها والحلا ما يكتمل


(4)



تبي تسكر!
تبي تدخل شوارع 000كلها منكر
تبي تخرج من ثيابك
تبي ترمي عقالك
تبي فندق مساكينه عُراه
وصاحبه امرد
تبي تدعس على هذا الوقار00وتجحد بلادك
*
*
*
*
*
*
*
*
*
*
*
*
*
*
ســــــــــا فر



خالد رجب