عندما يموت العزا

يبقى الموت حيّا يرزق...


كان العزا ميت..وكان الموت هذا اليوم حي
سبب حياة الموت بعض احيان هو موت العزا


((الموت هذا اليوم وانا ابوك ياابراهيم غي ..!))
تحرف البيت الشهير بلاحزن وبلا مزا


استغفر الله لااله الاّه خالق كل شي
ومميت الاشيا في الحياة ومحيي اموات جزا

ان كان جاوزني غضبه انا بخير وماعلي
وان كان ماارزاني ضلالي ماتجشمت الرزا


من التفكر وانتبذ في كونه الغار الفصيّ
حتى اشتمل فضل الصلاح وفضل من حج وغزا

يارب عضّات الندم تصبخ بي الجرح العصي
حتى اصير اللي من اخطائة يمد ويكنزا

ان كان مالك ترتفع يدي فقد تبت يدي
وان كان ماينبحّ صوتي في الدعا وش له حزا

يالله امتني واحيني مسلم ولي وجه وضي
بر بمن حبك من عيالك وباسماك اعتزا

من بين عق لوالديه وبين رجال رضي
واحد في الجنه ظفر.. واحد في النار انتزا

من مشهد الموت المريع الكون بعيوني فضي
حتين رق من الوجل صوان قلب امعزا

امتد طاغوت الحياة/ اللهو.. واعمى كل ضي
عين البصيرة والقلوب ابليس اليها اوعزا



مااحقر ملذات الحياة اللي عليها ننطوي
نتنهز اساب الهوى والموت حبله ينهزا