هذه القصيده جديده لي وأحببت ان تكون هنأ وهي عيديه للمنتدى

ما بقي لك عذر تبـدي به سـوى عـذر البليـد
يمـسح الـسبـورة مـا يوماً رفـع فـيه أصبعـه

كل ما قـلت اغـفـر الـزلة ونبدأ من جـديـد
جـيت لـي بأعـذار مكـذوبة ولا هي مقنعـه

كـم تجاهـلنا الخطأ قـلـنا الخطأ يمكن يفـيد
ومن تعـلم من خـطاه أصبح يـدور منفعـة

لكن الـظاهر خـطاي أني أناظر في البعيـد
ما حـسبت أحـساب للي جـاء يدور مطمعه

كان مقـصـوده يـمشيني كما مـشي العـبيـد
وآنـا نسـل أحـرار ماني جاهـلاً وإلا إمعـة

لا تـظـن إني بـدونك فالحياة أصبح وحـيد
الـذي في الأرض مثـلي كـل عاقـل يـتبعـه

عقلي الله زينه وقلبي ترى أقـسى ما الحديد
وأن بغـيت أفعـالـنا تظهـر بيـوم الـمعـمعــة

وإن نقص حـظ البشر حظي ترى دايم يزيد
وإن بغـى حـظي يعانـدني أكـيـده واصفـعـه

عايشـاً بين البشـر مـدري شقي وإلا سعـيـد
مـثـل مـن ينظـر ويتحـرى نتـاج المـزرعـة

عـلمتني دنـيتي حكمـه لـذو الـرأي الســديــد
الـزمان إن كان ما طاعـك بهـا الـدنيـا طعـه

صاحبي يا مـن سكن شريان قـلبي والـوريـد
ما نـسيتك رغـم بـعـدي عـنك بعـد المجمعــة

أنـتـظـر منّـك رسـالة عـبر صنـدوق البريــد
والحقــيـقة كـم تمـنيـت إن صـوتـك بسـمـعــه

لا تعـذبنـي بهـجـرانـك وقـل لـي وش تـريــد
وارحـم اللي لجـل وصلك قــد تبـلل مـدمعـه

كيف تنسى عشق عاشق يعـشقك عشق فـريد
عشق لو وزع لعالمنا كفاهم غير برى أربعه

بوش الأول مع كلينتون وشارون والرابع فقيد
رابعـهـم قـد فـقـد عـقله وما زال لابس أقـنعـه

صـاحـبي جـيناك فـي الـعيـد وان شفناك عـيد
ومـجـلـساً ضـم الحـبـيـبـيـن فـي أمــره سـعـه

لـكـن الـظاهـر كـلامي لـقـاء شخـصاً عـنـيــد
والـذي بـاعــك بـديـنــار مـن غــيـره بـعـــــه

وأخـتـم أقـوالـي بـقـولاً لــه الـخـالـق شـهـيــد
إن حصـل مـنك الخـطـأ حالـف إني ما أبـلعـه