ياصالح من البارح وأنا والهموم خصوم = طرت لي علومٌ واشغلت كل تفكيري
أبت لاتفارقني وعيني جفاها النوم = وكنه نفخ جمره بها نافخ الكيري
أجي من يمين يسار احايل واحب خشوم = وعيت تقدرني وردت معاذيري
ياصالح وش الدبره مع حظي المشئوم = وقف لي خصيم عنيد من غير تبريري
أنا يارفيقي من حياة الشقا مكلوم = تساقت جروحي من صروف المقاديري
أرى الناس من حولي بعد ماتطيح تقوم = مع الوقت تتعافى وتبرا من الضيري
وأنا يوم غادرني امس وصى علي اليوم = وقال انتبه لاتتركه دون تكديري
ويومي يوصي الغد وصار النكد محتوم = تقول إن مافي هالبلد واحد ن غيري