تويت
.
.
.
.
.
هديه يقدمها بدر الضبعان
.طاش ماطاش
بقيادة السدحان والقصبي .. وبقية الشله
قد .. تجاوزوا .. حدودهم .. بإستهزائهم بالدين .. ورجال الفضيله .. وكلمة ( الله أكبر )
وفاضت .. قريحتي .. ببعض .. الأبيات ..
عسى .. ان .. تكون ..في .. محلها ..
اليكم .. القصيدة .. بالصوت
http://www.geocities.com/laiumma/taash.ra
( لسماع القصيدة بالصوت قم بنسخ الرابط ووضعه في خانة العنوان ثم انتر واستمتع )
ماني معيّن خير .. ماعاد بـه خيـر
لا والله إلا صارت السالفـه مـاش
.
السالفـه ماعـاد تحتـاج تفسـيـر
شاعر بخربها وانا ثايـر الجـاش
.
اول نخاف اهـل الفتـن والتدابيـر
واليوم جونا بالخزي طاش ماطاش
.
أوّل سكتنـا يومهـا دبـرة طويـر
لكن إذا وصلت هل الدين ماعـاش
.
والله نرجعهـا عهـد سالـم الزيـر
لابوك ياناصر لابـو كـل خفّـاش
.
تدعون للتفسيد .. ويقـال تحريـر
تحرير طل بعينكـم لعنبـو الـلاش
.
راع الفضيله لو يجي منـه تقصيـر
يبقى علم مايلحقـه كـل طـوّاش
.
دامك بلا غيره .. أجل كيف بتغيـر
دام انت فاسق والفسق فيك معتاش
.
الدين خلّـه لايجـي منـك تحقيـر
اصغر طفل فينا على الدين يهتاش
.
ياليت تنطـم مانبـي منـك تبريـر
الدين ماهو للـذي باعـه بـلاش
.
بالله وش خليـت لأهـل الخنازيـر
دامك على رغباتهم صرت مطراش
.
الدين ورجاله عـن أمثالكـم غيـر
أهل الفضيله غير عنكم يالأدبـاش
.
أهل الفضيله مسـك يانافـخ الكيـر
منهو جلس ويّاك تحرق له قمـاش
.
باكر كتابـك ياصلـك فيـه تقريـر
عقبه حسابك لاتظن عنه منحـاش
.
ناس ٍ إذا ماتـت وجيهـه مسافيـر
مبتسمة ٍ ووجيه ٍ أبيض من الشاش
.
وناس ٍ تمـوت ولاعليهـا مخاسيـر
أعمالها بخياش وذنوبهـا خيـاش
.
لو نفترق بيـن الفقيـر وهواميـر
مافرّق الله بيـن تاجـر وفـرّاش
.
وأقـول للسدحـان وإلاّ نويصـيـر
شاعر غيور وكلمتي دايـم ٍ كـاش
.
أقصر دروب الشر وخـل المعاييـر
مادامها جتنا بلاهـوش وهـواش
.
وان كان همّك لقمتـك ربّـك كبيـر
والله لو هي لقمتك بـس فشفـاش
.
هاذا قصيدي وأفهم الهرج ياصغيـر
يجيك شعري سرعته ومضة فلاش
.
وشلون أعيّن خير .. ماعاد به خير
يالله بدينا مقاطعة طـاش ماطـاش
كلمات وإلقاء / بدر الضبعان.
..!!!
تعليق