بسم الله الرحمن الرحيم


قصيدة بغداد


هذه القصيدة مهداةالى الشعب العراقي الباسل




ابعيدالضحية الناس عيدت عيـدين= وبسجن ابو غريب كضيت عيدي

بيه ارجــال محاصرة بسيميــن = شبه الليـوث امربطـه بالحديدِي

اويلتنشـد على حـالي ترا مو زين = العيـن تهمـل والكلب نارو نكبدي
ولو تهمل العيـن شـوخَ البساتيـن = بغـداد شوﮔﭻ بلحشا دايـم يِزيدِي

امسـت اديـارﭺ بيـد المْخـَرْبيـن = والفـارس التنخيـه حيـا وُلِيدِي

ويـا عمامي ياصـدور الدواويــن = يلـي صِبيكم بالوغى شبلٍ عجيدِي

اشـلـون اِّنّـام وَالوَطـن بِـيديـن = المـايخـافون الله نَسـلَ العبيدِي

ويا جـدودي يلعَلَمْكُـمْ طاف بَلصين = وداسـَت خَيـلكُـم كاعَ الجِليدِي

حنّـا عيـالَكـُم َللـباطِـل مِزعلِين = مانهـابَ ألمـوت لو حَولّ يِبيدِي




(1)






وَلَك ليش هَز الكَتِف يَرباة النِساوين = وَالـوطـَنْ كُـل يـوم جَرحو يِزيدِي

شيلَ أسّيف وعـوفَ الرَكصْ موزين = وِصِهل على الهانـوك صَـهلاً شِديدِي

وشوفَ ألدليـمي وفوك النِعمْ نِعمين = يِدحَـم علـى المـوت يَِـرعِد رعيدِي

وهذاابن الرمادي معَلّـم على الزين = صايـل علـى العِدوان عَجّان الحديدِي

وهذا ابـن الصـدر عونَ المُسلْمين = لا هـادَن ولا نـام يـومَ الـوعـيدِي

و يومِن حاصَرَو جِـدّه المـلاعين = كــاوَن كـالاسـد بعَكـلٍ رِشيدِي

ونتِـخَنـالَك يا اميـر المـؤمْنين = وجيـنـه كـالبـحر لومدَ المَديدِي

جينـه وشـديَنهَ الجـرح شَـدّيَن = وَالمـات مِنّـه بَلعُلا مُسـعَد سعيدِي

والشهيـدَ اَلرِحَلّ مِنّه وعـاف وُلديَن = يـاخـذون الثـار بـيـومٍ اكيدِي

شـلون يـظيـع دمَ الـوالـديَن = شـلـون يظيـع وَالـوالد شَهيدِي










(2)






شـلون يـظيـع حـق الله والـدِين = شـلون يـظيـع وَالقرآن بيدي

شـلون يـظيـع ثـارَ الـرافـدين = شـلـون يـظيـع دمّك يَلعبيدي

شـلون يـظيـع دم الـمُسِـلْمين = شـلـون يـظيـع دمّك يَلزبيدي

وبَلبـوعيسـى يـوم طَـكن هُواوين = حَـدّو سـيوفَ الزلِم بْكَطعَ الوريدِي

خَلّوالشاش الكفر الشاشَ الحواويـن = اِمنثـره طِشـار وعِـدّهُـم مِزيدِي

ويَـلّـي حِسبنـاكُـم مُسـلْمين = اتكولـون عـونَك لو يـِنخه البعيدِي

بيـوم اِتِّـلاكـه العيـن بَلـعيـن = مَبغيـكُـم اتـحطـون ايديكم بايدي

مَبـغيـكُم لـولاح الـفجر بَـعديَن = يـوم اِتّـكَـشَفْ ويـزولَ الـِلبيدِي

حَيـث يومَ الوغـى أكفَيتُم مِبعدين = يـوم جـانَ ألـموت يَـحصد حَصيدِي

ويـومَ الـطلايـب جنتـومِرجفين = وكـاوّنـه كـونَ الـيِكـاوِن وَحيدِي










(3)






بغـداد تِبجيـن كـولي اِشتِريدين = لَتظنيـن يومَ النصُـراصبـح بِعيدِي

والله لَضَحكِج وَطْلِعْ منَِ الثُم سِنّين = بعـونَ الله أَلـيَنصُر الصـابـر اكيدِي

ويَبَغـداد كُفّـي الـدمِـع بِيـدين = وصَبراً علـى المكـروه وَصلِج نريدِي

وعسـا الله أن يَجمعنـه بِعيـدين = عيـدَ النَصُـر وبيـوم الُلقى عيدي

وأصـلّي عالنبـي ابابج صـلاتين = ومن بَعَدْهَ للنشـامى اهدي كِصيدي

والـحـمـدلله ربَّ الـمِغـربـيَن = والـحـمـدلله ذو الـعرش المـجيدِي


وسلامتكم ..........




المهندس
ليث جواد الدليمي
بغداد- المحتلة






(4)