ياقلبي اللي كل ماقلـت همـه خـف زاد=عليه جار الوقت والناس عيـت تفهمـه
شكواي لله مبغي أشكي همومـي للعبـاد=هو الوحيد إن شاء يعذبه وإن شاء يرحمه
ياكم عرفت من الخلايق وياكم مـن بـلاد=وياكم صديق اعتز به ياعساني ماعدمـه
وياكم عرفنـا واحـدُ لا يقـود ولا يقـاد=وإن قدم الفنجال للضيف كنه مـن دمـه
هذا الذي ماهمنـي كـل ماجمـع وفـاد=وفي المجالس ماحسبنا حضوره وعدمـه
موته يقام له الفرح مايقـام لـه الحـداد=واهله يقولون انتهى حزنهـم والميتمـه
اهل المشاكل كانو بعهد بونـا ادم وعـاد=وبعد تعاني منهم اجيـال باقـي قادمـه
وانا الذي جربت من خوي قـدام البعـاد=خذ ربع ورثي بعد ما مات بوي وقسمـه
مادري طمع ياناس والا جشع والا عنـاد=والا عدم تفريق بين الحـلال ومـأ ثمـه
الى متى والظلم لاقلت راح اقبـل وعـاد=والناس ماتخشى من الله ولا هي نادمـه
يالله يامن لاعطى العبد من فضله وجـاد=تزيد رزق اللي قنوعـاً وتقضـي لازمـه
وترد كيد اللي لمثلـي زرع كيـده وكـاد=وتجعـل الدنيـا بوجهـه ظـلامُ معتمـه