ياسـلام الله سـلام لشيخـان الغمـارة=رافعين اشبـاه الاشبـاه فـوق مهمهـا

ناقلين البشت والبشت في نـاس خسـارة=همّها في الذات والنـاس ماهـي همّهـا

والشيوخ شيوخ من غير تعيين الامـارة=والحـرار ان برقعـت ماتغيّـر دمهـا

حكـم التاريـخ ياكـم تعلّـم سنمـاره=والملك لاشك بـه قـال رح وتصمّهـا

والقضيّه يااهل الالباب من فاته قطـاره=ينتبـه للفرصـة القادمـة ويضمـهـا

اذّن المذّن وصدّر علـى الدنيـا قـراره=وريحة البارود مـن بعـد كـم نشتمّهـا

جاري ان جاله ولد لييش اسوّي له كبارة=يلعن ام ابـو الحماقـة علـى ابوامهـا

افهموها دامـه الحـر يفهـم بالاشـارة=والرمـوز ان شتتنـا سـوى بنلمّـهـا

عرفي بالشيخ النويري وعرفي بالصقارة=مثل عرفـي بالبـلادة وخرسـة فمهـا

مثل ما في الشطر الاول قتيل اطمح لثارة=في الاخير احياء ليـت الممـات يدمّهـا

سيدي لـو رحمـة الله زارتنـا زيـارة=حجبتهـا جـن الاريـاع قبـل نخمهـا

والسبب ماهوب حقد وجيت ازيـد نـاره=السبب ناس هبـت فـي عسلهـا سمّهـا

ناقلين مجمع بني حسن في وسط حـاره=سارقيـن مـن اول الساعيـات ويمهـا

وانا خالي في الوزارة وعمي في الوزارة=وان بغيت آعد في الناس وااجـد كمّهـا

هات لي مثلك وامجّده وابني لـه منـارة=ماوصلها مـن مدحهـا ولامـن ذمهـا

مثل مابوبكر هو ثانـي اثنيـن بمغـارة=الكرامـه ثانـي اثنيـن لـك ياعمـهـا

خليت زهران من شيخ مايكسـر وقـاره=حـد علمي..!ليتنـي بالكـذاب آعمهـا

فليت ابو متعب يصّلي صلاة الاستخارة=قبل وجه الارض يفلـق وينبـع جمّهـا

لو عطو بعض القبايل منظّمـة التجـارة=والله ان تخرج بني عمهـا مـن كمهـا