طال السفر
والمنتظر مل صبره
والشوق يامحبوب في ناظري شاب
رد النظر
خليت بالكف جمره
سعيرها في داخل القلب شباب
عزا لخبر
والمهتوي ضاق صدره
يامن يرد العلم عن هاك الأحباب
طيفه عبر
مرسل مع الطيف عذره
هوخاطره من لوعتي مابعد طاب
هوماذكر
إن الجفا فيه كسره
للخافق اللي من هوى صاحبه ذاب
ياماسهر
طرفي على حبس عبره
أردهاوالوجد للدمع جذاب
دمع حدر
جاله على المنع جسره
عظيم وجدي للدمع شرع الأحباب
يوم وشهر
عزاه والعمر مره
والناس واجد لكن الولف غلاب الأمير خالد الفيصل