تويت
بسقط اللوى بين الدخول فحومل
وخيطان الشجن كانت هناك في مدخل قرية الجوفاء
وحدي..مع القريه اتأمل فروع الشجر=كيف آتعرى وخيطان الشجن وارفه!
آقبّل التربـه الحمـرا واشـم المـدر=وآحس بالبرد جايب لي معـه سالفـه
ماخون .. ياحرمة القريه وهذي البشر=تخون بعيونها حزنك وهـي عارفـه
صحاك تهليل شيبانك صـلاة الفجـر=وهدهدك مدريهة اطفال وحضن عاطفه
على الاتاريك لاطفّـاك ليـل المطـر=يوم الشبابيك تشهق زفـرة العاصفـه
وآخوي الاكبر يغيب ويبتلعـه السفـر=وان جا يخبّي الحزن حزنه وانا شايفه
من بعد كنا انقتلنا من بيـوت الحجـر=قلنا العصافير طارت والسمـا زايفـه
مافي المدينه مدينه..غير انا والدشـر=يوم آخر الليل يقبلنـي علـى هاتفـه
آلـف وآدور واتخيـل مـدار القمـر=كن الدكاكيـن كعبـه والقـدم طايفـه
صحاني الخوف والحيره وطعم القهـر=والعسكري نام في الدوريـه الواقفـه
_لو تنشد الناس بغداد الحزن والظفـر=كيف المواطن تحـول عبـوة ناسفـه
هي عادة الظلم؟ والا توصية موتمـر=ناس على الحـق والتاريـخ متحالفـه
يحجّمون القرى ويهمّشـون الحضـر=يجي ثلاثين عام ودمعتـي طارفـه.
وخيطان الشجن كانت هناك في مدخل قرية الجوفاء
وحدي..مع القريه اتأمل فروع الشجر=كيف آتعرى وخيطان الشجن وارفه!
آقبّل التربـه الحمـرا واشـم المـدر=وآحس بالبرد جايب لي معـه سالفـه
ماخون .. ياحرمة القريه وهذي البشر=تخون بعيونها حزنك وهـي عارفـه
صحاك تهليل شيبانك صـلاة الفجـر=وهدهدك مدريهة اطفال وحضن عاطفه
على الاتاريك لاطفّـاك ليـل المطـر=يوم الشبابيك تشهق زفـرة العاصفـه
وآخوي الاكبر يغيب ويبتلعـه السفـر=وان جا يخبّي الحزن حزنه وانا شايفه
من بعد كنا انقتلنا من بيـوت الحجـر=قلنا العصافير طارت والسمـا زايفـه
مافي المدينه مدينه..غير انا والدشـر=يوم آخر الليل يقبلنـي علـى هاتفـه
آلـف وآدور واتخيـل مـدار القمـر=كن الدكاكيـن كعبـه والقـدم طايفـه
صحاني الخوف والحيره وطعم القهـر=والعسكري نام في الدوريـه الواقفـه
_لو تنشد الناس بغداد الحزن والظفـر=كيف المواطن تحـول عبـوة ناسفـه
هي عادة الظلم؟ والا توصية موتمـر=ناس على الحـق والتاريـخ متحالفـه
يحجّمون القرى ويهمّشـون الحضـر=يجي ثلاثين عام ودمعتـي طارفـه.
تعليق