هذه القصيدة كتبتها لشاعر عزيز كان قد اورد لي قصيدة على هذه القافيه
___________________________________________
بسم الاله امره مع النون الكاف=ربا عزيزا دلنا للرشادي
تحية تاصلك واسرع مالاسعاف=ياصاحبا قد صان ملحا وزادي
تنشد وقولك مابدا فيه الاسراف=والخيل تحتاج الرسن به تقادي
يسيسها السايس ومن كان عساف=مضمارها باين لرايح وغادي
يحتاج بعض القول ترتيب وانصاف=والبير ماتصلح بليا عدادي
والحر يمشي ماتململ ولاخاف=فوق الجبال ولاحدر بطن وادي
كم واحدا يشهد ويشهد ولاشاف=ممشاه عاليسرى ودرب النكادي
واللي نقي واضح ولاحوله الحاف=يروي فؤادك مثل بنا وكادي
قلبي مريض وعلته من بو ارداف=بالله لاتجهل نظيف المرادي
بلاد جدي ودي اثبت لها اوقاف= اخاف من بعدي يجيها المزادي
راع المدن واللي سكن بعد بارياف=على الصحف والدش واعلام رادي
الخيل نقناها ومن حر الاصناف=صبحا واصيله رابية في بلادي
الشافعي والملكي هو والاحناف=يدرون عنها علم ثابت وكادي
تعيش ياراسا تغطيه الاشعاف=قرون عالقالات دهم وسوادي
سبعا سمان وقبلها سبعا اعجاف=اعجاف للي بالردى والتمادي
قلب النخل محفوظ بجريد والغاف=ماياصله ذا شيمته من رمادي
ومن تعب من بعض كدمات وارعاف=يصبر عليها والبحر دوم هادي
من يحسب الدنيا رديه بلا اهداف=غلطان مافيها لرب العبادي
العود معروفا وله جرة اخفاف=ياطا الغضى من قبل صوت المنادي
ثقيلة مره ومره تجي اخفاف=يرتاح في البيدا ولامر نادي
الشبل ذاك اللي نحبه ونفناف=يعجبك لامن غار بالكف صادي
واللي على متنه ديونا مع اسلاف=لايخلط البن اليمان ابرشادي
اما الذهيب اللي على خلف واخلاف=يبان علمه عند ورد الحصاديِ
كم واديا مرة وسايح وطواف=كلمه يوردها وكلمه تعادي
نعطيه من ميسورنا بر واعلاف=البر له واما العلف للشدادي
ترى الذهيب اشكال من حوله الفاف=مزوج ومجمالا وحتى انفرادي
قولي لكم ما جا بعله ولا اسفاف=ولا حسبنا للجليس المعادي
شدا تعلوا فوق وديان واشعاف=معروف للتهمان راسي وسادي
ياليتني جنبت نايف ونواف=وسمعت قول اللي عليه اعتمادي
صلاة ربي عد ما هز رفراف= على شفيع الخلق يوم التنادي