تويت
قال تحلم به..وقلت اي والله=قال وش حلمك؟ وقلت اعذرني
قال واقسم ان تقوله بالله=قلت حالم به اذا يحضنّي
قال ياابن العم صابك خله=لاتخيب يامحمد ظني
قلت لاينهك فؤادك غله=وش يضيرك واحدن متمنّي
قال لامذهب ولالك مله=قلت يالله في سؤاله عنذي
وش تبي بالدمعه المنهله=ليش قصدك بالجفا تحزنّي
تذكر الما من عيون الجله=واخضرار الارض فوق البنّي
والطرق لاصبّحت مبتلّه=والحيا لامر فيه مدنّي
والحظوظ اللي معه منشلّه=والفضيحه العاطفيه عنّي
يوم ابي قالو لابوه يقلّه=اني مأذّيه واني..واني
واخوته جابو معاهم شله=نزّلو دمعي وكسروا سني
صار منهم قدسي المحتله=كل طرق به عليه آغنّي
كل هذا لك يفسر عله=ان حظي من عرفته جني
والردى مااقصد ردى..لاااوالله=الردى شيعي وقلبي سنّي
فلاتعاملني كأني زله=ولاتصافحني كما المتحنّي
والله لوما الشايب وجارالله=يازكي النفس به لاثني
تعليق