تويت
سريت مسرى الذيب في سود الليالي مدلجي = يوم ان بعض الناس يضوي خوف قبل المغربي
بعد العشا نلت العشا شحم الغزال الأدعجي = وشربت من عين الرشا يوم انتشى من مشربي
واليوم عكرليلتي طفلٍ سمعته ينشجي = لا بارك الله فيه من صوتٍ جفل منه الظبي
هذا الصبي وشهو يبي كسيرجاني يعرجي = لو مايصلي على النبي لارجّعه يحبي حبي
العربجي ما يستحي أبو لسانٍ لجلجي = واشيا بعد ما تنحكي ملقوف ما به مكسبي
لكن لا منه لقى من يقمعه يتحشرجي = يضيّع علومه ويهجد مايواجه يهربي
بالإختصار العربجي ممقوت له فكر اعوجي = يضحك عليه الأقربي من قبل ضحك الأجنبي
من لا يعرف الفرق بين العوسجه والعرفجي = لو عاش مية عام يبقى طفل جاهل يلعبي
هذا أنا واضح كما وضح الصباح الأبلجي = والقاف ما يصعب علي فيه أقدر اطنب واسهبي
ماهمني غصبٍ يجي ماهو لمثلي محرجي = والشارده تنقاد لي لوهي في أبعد كوكبي
تعليق