تويت
دمعي على خدي جرى يالايمي فيما جـرى=الجرح جرحي ما برا والنار ناري واصطليت
من علتي ما طاب لي ما لذ لي طعم الكـرى=إن كنت ناصح داوني قلي علاجك كيت كيت
والا فخل المبتلى إن بـات ليلـه أو سـرى=يكفيه ما قد حل به يا جاهلٍ بـه مـا دريـت
فديت من لفظه ثمن تشرى به قلوب الـورى=لامن نطق فزيت له وقفت ساكت واستويـت
لـو ملكونـي ماملك قارون والاسكـنـدرا=واتركه لحظه من حياتي ماقدرت ولاقويـت
هو دنيتي هو منيتـي حبـي لغيـره ماطـرا=مايوم فكرت اتخذ غيـره خليـل ولانويـت
يمشي الهوينا والملا تحسبه يمشـي بختـرا=وش عاد لامنه تبختر كيف اوصف مارأيـت
لافاح مسك وعنبرا من غير عطـر معطـرا=اطيح من طولي واقف واطيح واقف ماوعيت
هذا الدوا والا فـلا لوهـو يبـاع ويشتـرى=لشري منه قلبي المتيم في غرامـه وافتديـت
من لامني فيما جرى أنا اشهد انـه مـا درى=هذي سبايب علتي والدمـع دمعـي لابكيـت
تعليق