اجنحه


ماني ضعيف ولامعي في القلب هون

الا اني اخفض لك جناحي يالفتون

خلاص لاتدمين بالدمع العيون

ولاتسوي في فؤادي مذبحه

انا رسمت بلوحة الغربه فنون

شكلت وجه الفن وابرزت الوحه

حطيت باللوحه مغازي بالف لون

وكتبت جرم الحب باعلى مسرحه

ونظمت لعيونك قصيده وش تكون

عقد على نحر المعالي تطرحه

يوم انتي انتي والصبايا دون دون

والقمه تتقاوى نظرها تفتحه

تبغي تطالع فيك من فوق الغيون

فوق السحايب والغيوم المسبحه

اللي تطالع في طموحات الجنون

اللي لبس شكلك وسو مطرحه

بين الكوابكب واسترق كل العيون

والبحر يسطع والكواكب تسبحه

انا قوي العزم والهاين يهون

اوقف جبل يوم المواقف تنطحه

وانا صخب يضفي على المعنى سكون

يترجم الواقع خيال ويلمحه

وانا الممجد بين طعنات المنون

لاصار لنحور المعاني نحنحه

وانا اللي لاهرجت غيري ينصتون

آخذ عيون الوقت محزم واوشحه

وانا كحل مايسكن الا بالجفون

بيت القصيد اللي عيونك تشرحه

وانا اليقين اللي قطع حبل الظنون

واللي صرف وجه الشكوك وسامحه

ماني ضعيف بلاش تيار الحزون

مال للضعافه في محيطي مصلحه

الا اني اخفض لك جناحي يالفتون

ياللي شعورك خايف لا واجرحه

صحيح احبك فوق مايتصورون

اهل المرض والحب واهل الصحصحه

نامي وخلي لو يلوم اللايمون

البحر صرتي بعد قلبه مطمحه

يبات غارق فيك يانجل العيون

يخفي المحبه والمحبه تفضحه

البحر