يايمه منتهي جيتـك وطالـب منـك الغفـران
اقبـل قاعـت اقدامـك واغسلهـااا بدمعاتـي
يا يمـه كـل مافينـي يناديلـك انـا ندمـان
طلبتك قولي سامحتك ردي لوجهـي بسماتـي
انا ادري قلبك الطيب كسرته بصدمت النكـران
غلطت وغلطتي هـذي تعيـر كـل غلطاتـي
تشوفي الشيب يا يمه ترى ماجا وانـا فرحـان
وربي الي رفع ذاتـك ونـزل لـردى ذاتـي
فقدت الراحه من بعدك فقدت الطيبه والتحمـان
بدونك راحتي غايـه بدينـك هـذي راحاتـي
انا بعدك ولا حاجه انا بعـدك تـرى عميـان
اشوف ولا اشوف الـي يورينـي مساراتـي
انا وسيد الشقا والهم من بعدك غدينـا اخـوان
يجيب اهموم هـا العالـم ويرميهـا بمتاهتـي
صدقتي يوم قلتي لي تدين اليـوم بـس تنـدان
رميتك في بدياتـي ورمونـي فـي نهاياتـي
انا من شالك بايده ورمـاك باسفـل البركـان



نخيتنـي وطلبتينـي ولا حصلتـي نخواتـي
مثل ماهنتي بعيوني عليهم قلبـي يمـه هـان
رموني وطعتهم فزعه وانا الدمعـات فزعاتـي
يايمه لا تظنينـي انـا مـن فعلهـم زعـلان
سوات فيـك سويتـه وسـوو فينـي اسواتـي
يا يمـه يالله ضمينـي ودفينـي بهالاحضـان
انا ادري فيك مشتاقه وهمـك بـس ملاقاتـي
يا يمه حيل ظميني ابـي ارتـاح انـا تعبـان
تعبت اهرب من ذنوبي ابيك آخـر مسافاتـي
ابسمع منك اي كلمه نسيتـك مسمعـي ولهـان
ابسمع يمه بصوتـك ابذكـر فيهـا نشواتـي
اشوفك ساكته يمـه غفيتـي ولا انـا غلطـان
غفيتي يا بعد عمري تعبتي مـن مواساتـي ؟
يا يمه يايمه طالبك قومي اذا لي بعيونك شـان
اشوف االموت بعيونك عساها بخيب هقواتـي
تعالوا يا بشر شوفوا انـا محتـار انـا تلفـان
انا امي مدري وش فيها انا مدري انـا احاتـي
شنو امـي انـا ماتـت لا لا تـرى غلطـان
انا امي مـا تخلينـي علـى حزنـي ووناتـي
انا امي قلبها طيب ولا يمكـن تبكـي انسـان
انـا امـي مـا تبكينـي ولا تتمنـا اهـاتـي
يا يمه صح مامتي ؟ وصح الموت تو ما حان
اذا متي انا بعـدك ابقضـى ويـن ساعاتـي
يا يمه قومي يا يمه وقولي المـوت لا ماكـان
انا جيتك وانـا نـاوي انـدي فيـك جناتـي
تركتيني ومتي ليـه تركتينـي وانـا غرقـان
ولا مسموح يـا وليـدي ولا تلعنـك لعناتـي
انا الجاني وانا المجني وانا المخطي وانا الندمان
انـا بيـدي رميتـك ايـه وبعثرتـه ملفاتـي
وجيت من الهنا مفلس وقلبي من الضنا خسران
تركتيني علـى نـاري اعـدد فيـك زلاتـي
ولاني مرضين ربي ولانـي تابـع الشيطـان
انا بعـدك تـرى مابيـن نهاياتـي وبداياتـي
يا يمه منتهي جيتك وكـل مرتجـي غفـران
وشفت الناس تعلنـي وتحذرنـي مـن الاتـي للشااااااااااااااااااااعر نصار الظاااااااااااااااهري