مليـت أدورنـي ولا حصلتـنـي = في زحمة العالم نسيت إنـي هنـا
أنـا هـنـا لـكـن مالاقيتـنـي = في زحمتي واجهت طعنات القنـا
وش فيك ياابن الناس ما مريتنـي = أشوفك تكبـرت فـي ظـل الأنـا
حب الأنـا حملـك مـا حملتنـي = ياكثـر ماحملتنـي هـم وعـنـا
ياكثر مـا رددت ليـن أدوختنـي = أنـا أنـا أنـا أنـا أنــا أنــا
ياكم لي ابني فيـك كـم هديتنـي = همك على انقاضي تسوي لك بنا
ما تبغي الا راحتـك واشقيتنـي = ازرع لك دروبك وفا واذبـل فنـا
وش تخسره بالله لـو قاسمتنـي = من بعض ما اعطيتك وتكسب ودنا
يامستغل الطيبـه كـم احرجتنـي = وانا لك الله منك مانلـت المنـى
على الطريق المنحنـي حديتنـي = واقنعتني نلقى به أطياب الجنـى
ياما نصحتـك ميـر ماطاوعتنـي = لو طعتني نلت المكاسـب والثنـا
واثري مضيع يـوم ماحصلتنـي = مرتني وطافت وانا واقـف هنـا