تويت
كريم يابرق(ن) سرىا الليـل كلـه
ليله ظلام وبارقـه يشعـل اشعـال
ومزنه مـرودم والهـواء راكدلـه
والما منه ينزل على الارض شـلال
سبحان مـن انشـاه فـي قدرتلـه
وبمره يسوق ويتجـه ويـن ماقـال
كونه بخـار ووسطـه المـا يشلـه
ومن البحر ساقـه لوديـان وجبـال
ويسقي به ارض(ن) الدهر جاريلـه
يحيي شجرها عقب موته والا محال
يرعـد ويبـرق والهـواء سايقلـه
بامر الولي عالم خفيـات الحـوال
رب(ن) عنـه ماخافيـن شــئ لله
يعلم خفايا الخلق صـادق ودجـال
والارض ملكه والسما تحـت ظلـه
وهو الذي عنـد المهمـات ينسـال
ومن بعد ذكر اللي فـرض قبلتلـه
سر ياقلم وكتب جديـدات الا مثـال
اكتب وعبر والخطـا عنـك زلـه
في خط واضح واعدل الحرف لامال
اكتب وحبرك دمع عيـن(ن) تهلـه
ادموع عين(ن) من عنا الوقت همال
اكتب كلام اللي نـزح عـن محلـه
بينه وبينه الف كيلـوا بـالا ميـال
الياطرالـه قــام هـمـه يتـلـه
قامت هواجيسه تحده علـى الجـال
والرجل يعرف كيـف دربـه يدلـه
ولا غدا مع قـول عـاذل وعـذال
لا تعيـش فـي عيشةاهانـه وذلـه
لوانت تسكن في خـلا مابـه ازوال
ودرب(ن) تشوف به المماشي مخله
جنب عنه والدرب الا قشر للا نذال
وفل الحجاج مـع الرجاجيـل فلـه
اليا احترمت الناس عـدوك رجـال
والنـاس تتبـع واحـد(ن) ماتملـه
ومن عال يمه عالو النـاس لاعـال
لون بعـض النـاس بلشـه وعلـه
حاول عنه تبعد بلا هـرج وجـدال
لا تجادلـه تبلـش معـه باالجدلـه
وينشر علومك ناقل القيـل والقـال
والا اليـا منـك تكلـمـت قـلـه
قول(ن) يخلي وجهه الوان وشكـال
حتى يحسـب قعبهـا كلمـت لـه
بعض السوالف مالها ساس وهبـال
والرجل يعرف من طرف هرجتلـه
هرجه يبين ماطرالـه علـى البـال
وحذرا الردي حذرا تخاويـه خلـه
لوهو رقا لمنصب ولوهو ملك مـال
انتـه خويـه لابــدت حاجتـلـه
واليا بدالك حاجت(ن) فيـه ماسـال
ولوطـاب مـده عـود لعادتـلـه
ماله مع اهل الطيب حض(ن) ولافال
اسـال مجـرب والتجـارب مدلـه
التجربـه درس(ن) مثبـت وفعـال
خاويت ناس(ن) من جميع الشكلـه
وفي ماخلق ربـي تهـول وتهتـال
احد(ن) خلاف الربـع دايـم يحلـه
واليا حضر ينحل بالحال الاشكـال
واليا فـزع يعجبـك فـي فزعتلـه
وطيبه مع الاجناب والربع باالحـال
وايـض تنومـس للخـوي خوتلـه
طيب وله باالطيب مخرج ومدخـال
وحـد(ن) ردي وفاشلـه سمعتلـه
وشره على الاقراب والعم والخـال
وحد(ن) تعجب منـه فـي هيبتلـه
ولاقـال يفعـل ميتـردد اليـاقـل
وتشوف فرق اخون وخو باالجبلـه
باالطيب والمذهب وهم نسل رجـال
واللي تشوفـه خـارب(ن) مذهبلـه
ابعد عنـه جعلـه لمليـون سـلال
ماانته ا بمجبور(ن) علـى قربتلـه
لو انته تخـاوي هنـود(ن) ونيبـال
وزل الخطا عن صاحب الطيب زله
وخويك ادمح زلتـه ونـس ماقـال
يمكن تجي كلمـه مهـي مقصدلـه
احذر يجيك من الخطا شك وجفـال
الرجـل مالـه باالعمـر مكسبلـه
والله لا قالو رجل طيـب وعمـال
ياجامـع(ن) للـمـال ومخزنـلـه
وش يستفيد الرجل من جمعت المال
ان ماوقـف بـه لا بـدت عازتلـه
لامات من ماله ماغير الكفن شـال
ماالله خلف فـي هاالحيـاة اتعبلـه
والمال بالي والعمر باالمثـل بـال
واللي يفكـر بـس فـي عيشتلـه
الفـول برياليـن والخبـز بريـال
(خليف الوهيداني
تعليق