الاخ النمر العربي .

الشرقيه جوها لا باس في النهار, أما في الليل الجو حلو جدا , ولو فكرت تاخذ دش الصبح تحتا ج سخان , وهذا مقياسي للجو في الشرقيه .
أما عن أسعار الشقق ماعندي فكره بصراحه بس اسال لك انشالله .
اما دواعيس الدمام فهي كما هي الله يسقي هاك الايام فعلا فقد عشت طفولتي فيها ,يالها من أ يام مليئه بالبراءه والطيبه ,فميزة أهل الشرقيه الطيبه .
وبالذات اهل الدمام ,وحتى من عاش فيها من غيرأهل الشرقيه تجدهم اكتسبوا هذه الصفه, واتاكد من ذلك عندما ازور الاهل في الرياض,او قرى نجد سبحان الله أجدهم اغراب عني ,فيهم شغلات ما أستلطفها, الشرقيه رغم رطوبتها وجوها الحار , ورائحة البحر على سواحلها فيها سحريجتذبني دائما لها# صحيت الذكريات ياخوي الله يجزاك خير#.
ولو جيت للشرقيه لا تنسى تزور منطقة دارين واسال عن كورنيشها حلو جداوفيه مناظر السفن على الميناء رائعه , وكذلك الدمام القديمه جهة البحر
ومن الواضح انك تعرف الدمام زين مادام قلت دواعيس !!!! تحياتي















وبالذات سكان الدمام

أولاً أقول السلام عليكم ورحمه الله تعالى

وثانياُ
الأجواء حليوووه وفي الليل ولا أحلى من كذا
وأهم شي على شان ما تعدي علي بعدين
الشرقيه جوها ما ينعرف له ... متقلب لأبعد درجه .


أٍسعار الشقق ما عندي علم فيها خصوصاً العائليه
الشقق العائليه كثر الهم على القلب .. أما العزوبيه
يبغى لك تدور لين تتعب .

وتنور الشرقيه بوجودك

أيها النمر....

الشباب ماقصرو وصفو لك الجو ومثل ما قال عبدا لله....جو الشرقية مزاجي يوم كذا ويوم كذا...لكن بوجه عام حلو هذه الايام..

لكن ودي أحذرك من شئ واحد.... وهو الزحمة ...وزحمة بمعنى الكلمة ....الدمام والخبر صايرة مثل القاهرة زحمة غير طبيعية ( الله يستر على الجبيل ).....وفي العيد بتصير الزحمة أكثر بقدوم أهل الرياض لقضاء العيد...يعني أن نسبة إشغال الشقق راح تكون (فل) ....والاسعار راح تكون مرتفعة..وفيها استغلال...

أنا نفسي أعرف كيف جا رد غريبه قبل ردي ؟؟

المهم عزيزي النمر ... مثل ما قال عابر سبيل
إذا كُنت من النوع اللي يكره الوقوف والإنتظار من أجل موقف سياره
فخلك في الرياض أبرك لك ... أسواق الدمام والخبر
تغص بالسيارات .... ولا يوجد لها مواقف تكفيها ...
سوق الحب ... مليان سيارات وعالم
سوق السويكت ... مليان حده ..
والتنظيم المروري إلى العيد " صفر " .


ومن أراد كورنيش .. هاديء .. بعيد عن الزحمه
إليه بكرونيش .. " الجبيل - الفناتير " او الدفي
وكورنيش " راس تنوره " .. فاضي وجميل وهاديء
وأفضل شاطيء رملي في المنطقة الشرقيه ... صالح للسباحه ولا خوف منه .

اخي العزيز النمرالعربي

انا جيت متاخر بس الظاهر الاخوان ماقصرو

وان شاء الله نشوفك في الشرقية

اقصد يشوفونك لاني انا في الديرة

تقبل تحياتي,,,,

اولا

شكرا للاخوات والاخوان جميعا على التجاوب وحقيقة

انا لا احب الشرقية فقط بل اعشقها وعشقي لها لن تستبدله

الايام والسنون واحب ان اقول للجميع بان حبي الاول في

الشرقية ولذالك سأبقى مرتبطا بها مدى العمر وسيبقى عشقي

الاول هناك مهما تباعدت الخطى عنها ومن يشرب من بحرها

فلا بد له ان يعود اليها .

اخوتي الافاضل :

زحمة الشرقية هاجس يؤرقني وعامل يستوقفني اكثر من مرة

والسبب الرئيسي هو هجرة اهل الرياض الى الشرقية وياخوفي

تصير الشرقية حارة من حارات الرياض وتفتقد خصوصيتها التي

تشتهر بها وطيبتها التي يشتهر بها سكانها الاصليون والمقيمون

الذي تأثروا بهذه الطيبة وهذه السريرة المميزة في سكان الشرقية

بصفة عامة اخوتي الكرام لتعلموا جميعا ان حب المنطقة الشرقية

سيبقى في قلبي الى الابد ولن سيكون هناك مقارنة بين الرياض

والشرقية لان المحبة تبعد بينهما بعد الشمس عن الارض ولا مقارنة

في العشق بينهما للاسف .

مدينة الرياض التي كان الشعراء الجاهليون يتغزلون بها ومنها بدأ

شعر الغزل تشتكي اليوم من انقلاب هذه الامور واصبحت للاسف

مستنقعا يروي احقاد القلوب وخيمة كبيرة للعنصرية التي نراها كل

يوم ونعيشها في كل لحظة للاسف وهي مدينة تصطنع المشاعر

والاحاسيس وكل انسان بها يدندن على مواويل الحضارة العصرية

المزيفة للاسف ويسعى خلف السراب الخفي للمشاعر والحب فكل

شيء بها مفقود و ضائع وليس بها سوى اللهاثون خلف المشاعر

المصطنعة والمزيفة ونستطيع ان نقول عن الرياض بانها شيكاقو

اخرى وهي مدينة ذات مشاعر مزيفة .

اخي النمر

والله صدقت في كل كلمه قلتها ,عندما اذهب للرياض للزياره اومناسبه ضروريه ,اشعر وكاني في حالة توقف عن شئ ما!!! حتى أعود للشرقيه , وتشفى روحي برائحة رطوبتها وكاني بها ممتزجه بجميع انواع الحب والطيبه والبساطه , يالها من ديار, كم هو متعلق قلبي بها , ومن عاش في الشرقيه في طفولته وبالذات في الدمام لا يمكن ان ينساها او يستغني عنها .
اعرف احدى الزميلات انتقلت للرياض لظروف عمل زوجها ولها الآن 15 سنه في الرياض تبكي لو مر طاري الدمام وتعلق قائله :سلب مني الزواج اجمل واروع احبتي تعني( الدمام) وانا لا الومها , والمساله ليست عنصريه فهي(القائله) من أبعد قريه من نجد ولكنها عاشت طفولتها في الدمام الحبيبه دائما .
واطمنك اخي أن الدمام مهما وفد عليها من.......الرياض لن تتغير ,فالأشياء التي تحسها فيها متاصله لا تتأثر بكشختهم المفتعله (تراهم رغم هالفلوس وهالدنيا للحين يقولون شف الطياره ماعليك استريح كله كلام فاضي ) , ولا ننكر ان هناك نسبه قليله ونعم .ولكن الشرقيه الشرقيه وبس .
وعلى فكره يمكن يزعل البعض من كلامي , وهو ان افضل من وصف الشرقيه وعندما تقرا وصفه لها تحس انك في حي العدامه جالس ,وفي نفس تلك الأيام هو تركي الحمد , بغض النظر عن كلامه الخطأ الذي ينا قش الآن....
حياك في الشرقيه وهي بانتظار احبتها .....احس هذا ....
تحياتي

من يسكنون في الرياض .. تجدهم رسمين في كُل شي
الظاهر حتى السبرماركت ما يروحونه إلا بعد ما يلبسون ويكشخون
على شان ريال خبز ... الشرقيه خذ راحتك .. كل شي فري .
والفري على أصوله " الهافمون .. السبيشل " ^_"

غريبه ..
مبروك عليك التوقيع ... والله وتعلمتي ^_^
أجل قريتي العدامه .. باقي لك الشميسي والكراديب
أقري سقف الكفايه أبرك لك

الاخ عبدالله المستعجل

الله يبارك فيك , يعني تتخيل اني انا سويت توقيعي ؟ ما شالله عليك يعجبني طموحك !!!
أنا يااستاذي ما سوي توقيع ولا بعد 20سنه
اللي مسويه اخوي عاشق الله يجزاه خير كسرت خاطره , ورفع معنوياتي .
أنا قريت المذكور اعلاه لذلك اصدرت حكمي .ولك كل التقدير وأطيب الأمنيات.:heyho: