تم الحذف

تم الحذف

نقله فيصل الهزاع الى قلوه في تهامه فأرسل بهذه القصيدة للأمير سعود السديري يقول فيها:

ياراكب حٌر قويه عظامه ....................... يفز في ممشاه فز الذيابي
فج النحر ماهو بمكبر سنامه ................. لكن يتعدى سمان الركابي
وانص الأمير سعود أمير النظامه ........ مثل السيوف الي تبت الرقابي
كل القبايل خاضعه لإحترامه ............. ولا يحكم إلا ماينص الكتابي
وسلم على راسه وخلك أمامه ....... وخذلي جوابٌ منه واعطه جوابي
وقله مطر متريحٌ في تهامه ................ ماعاد للباحه يحسب حسابي
وياحي سفره شفت منها السلامه ...... وارتحت من ذاك العنا والعذابي
وفارقت بن مزروع راع النمامه .......... ماعنده إلا السردقة والكذابي
وبعد على راسه يشيل الزعامه ........ ولوكان يقدر كان سوى إنقلابي
يريد راس الحول بشت وعمامه ....... ويكسي عياله من ثلاثة ثيابي


وبعد هذه القصيدة تم نقله الى الباحه

بعد نقله الى الباحه قال قصيدة وتم نقله الى المخواه (تهامه مره اخرى) فقام بإرسال قصيدة للأمير سعود السديري يقول فيها:
رح يانديبي على حرٌ مربينه ................. لعقاب حزنه وراش ونقبة الباحه
حرٌ مربى من إبل سليم يازينه .................. وايديه لاحث في ممشاه نفاحه
ساعة تمس البطان على ظلاعينه .......... يكون بدري من المخواه مسراحه
صاوب سعود السديري حاكم عينه ......... تسهر وتالي عيون الناس مرتاحه
حاكم عدالة على الحق الله يعينه ............ وايديه ماهي عن المدات شحاحه
لاجاه راع الخطأ يثنيه ويهينه ................ تخضع قرونه وهي قدام نطاحه
وقل مطر في تهامه عن هله وينه ............. صندوق قلبه غدا قفله ومفتاحه
عاد العذارى يعفن الزاد لارينه ............... شيب وسود وقلبه بانت جراحه
التهم لو انها تزهر بساتينه ..................... مالي بموزه وليمونه وتفاحه

روايع ودرر تستحق المتابعه ....
شقر ونبط .....وحكم وتشبب

شكرا يا حريري

هذه القصيدة من اواخر قصائده رحمه الله
***

الاوله يالله ياعالي الشان
يارافع السموات من غير عمدان
يالي إليامن قال للشي كن كان
محصي عباده والليالي والايام
تعالى على خلقه في اعلى مكاني
***
الحاكم الي ماتراه العيوني
ولاتزيف كبرياه بظنوني
وامره مدبر بين كاف ونوني
سبحان رب ماتكيفه الاوهام
ويعلم بما يخفى عن المودماني
***
اسأله حسن الخاتمة والثباتي
يهون علي الكرب عند المماتي
ذنوبنا اكابر من الراسياتي
الله محصيها علينا بالاقلام
كم العمر يقوى والله المستعاني
***
يابن آدم الدنيا تراها مغره
لو زينت لك مرة بعد مره
من كان مغتر بها ماتسره
الله مسرعها تحطم تحطام
كما الظل يدرج من مكان لمكاني
***
يامودمي لو عشت ميتين عامي
لابد تالي العمر من الانفصامي
لكن اسال الله حسن الختامي
وعلى السراط اسأله تثبيت الاقدام
وهو يطلع علم الغبى والبياني
***
لكن نشوف لنا امور(ن) غريبه
عاد القريب اليوم يقطع قريبه
يارب منك العفو هذي مصيبه
الحرب مابين الأقارب والارحام
أضاعو وصول الاقرباء والعواني
***
تلقى بعضهم تحسب انه مخاويك
وإن غاب لحظه عن طريقك قطع فيك
يهرج معك لكن قلبه معاديك
تغتر فيه بهرجته والتبسام
وتستامنه وإن شاف غرتك خاني
***
ياكل عاقل يستمع في وصاتي
أوصيك لاتترك فروض الصلاتي
وصم وحج البيت واعط الزكاتي
هذا الدليل وهذي اركان الاسلام
وعن طاعة الله لايجيك التواني
***
والوالدين إن قال فاسمع لقيله
وإن كان ميت فواجب تدعي له
كم كان يسهر صحتك كل ليله
يسهر بشانك واكثر الناس نيام
وحقه ذكره الله وسط القراني
***
وشور المره عن مسمعك صك بابه
لاحدثتك امسى بقلبك غبابه
المفتنه بين الاهل والقرابه
عهدك بهم صدقان والا هم اخصام
وتذراء الفتن مابين قاصي وداني
***
أمشو على مافي الكتاب المنزل
وماشرع هذا الرسول المفضل
الي على دينه وقف ماتزلزل
فتح اليمن والغرب والشرق والشام
وجاهد في الاعداء بحد السناني
***
يا اقطاب الاسلام الجهاد الجهادي
المسجد الاقصى رحابه تنادي
يقول وين انصار رب العبادي
في اورشليم القدس عباد الاصنام
وهو كان قبله في قديم الزماني
***
هيا اعلنو للحرب في كل اذاعه
وكل مسلم فيه دين وشجاعه
لازم يجاوبكم بسنه وطاعه
كيف اليهود اليوم في القدس حكام
وننصر إذا قمنا بقلب ولساني
***
هيا بنا والله يعاون عباده
أما نفوز بنصر والا شهاده
ومحارب الكفار للاسلام عاده
دون الوطن والدين لو نغدي اعدام
ومن مات يتبشر بخضر الجنان

***

الله يعطيك العافيه يانواف

حقيقه انها قصائد متنوعه وجميله تستحق الوقوف عليها

وتستحق انت عليها الشكر الجزيل

اشكر الاخ نواف الحريري على هذا الاهتمام ولي بعض الملاحظه على القصيده والتي قالها عند ( الزهران) غامد

أخي العزيز / محمد اسماعيل

أشكرك على اهتمامك ومرورك بالموضوع
وإن شاء الله نكون عند حسن الظن

تحياتي,,,
-------------------------------------------------------
[الساعة الآن: ][التاريخ اليوم: ]

أخي العزيز / ولد محويه

أسعدني مرورك وخاصه انك من قرية محويه

أشكرك أخي العزيز
واتمنى إذا كان لديك قصائد لم أذكرها أن تقوم بإضافتها مشكوراً

تحياتي,,,
-------------------------------------------------------
[الساعة الآن: ][التاريخ اليوم: ]

البدع من عايض بن سعيد

احسبت الاشوار تاجي من صبي من صبي
وآثار الاشوار تاجي من مره من مره


الرد من مطر

ياعايض آسير وادرا منصبي منصبي
مثل الذي طاع عمه لامره مامره