كلك على بعضك عذاب = كلك على بعضك ولـــه
في ناظــري مثل السراب = لايمكن أني أوصلـــــه
كلك على بعضك عــــــذاب
تشبه لصفحة من كتاب = في آخــــره أو أولــــــه
عجزت الاقي لك جواب = كلك رموز وأسئــــــله
تشبه لصفحة من كتــــــــــاب
كيف اوصلك من أي باب = قلي وربي لأدخـــــــله
ما يحجبك عني حجـــاب = هات الطريق وأزهلـــه
كيف اوصلك من أي بـــاب
من شاف عينك مايهاب = الخوف بايده يقتلــــــــه
بداية ابن آدم تـــراب = أصل البشر منُه ولــــه
من شاف عينك مايهـــاب
عطني أمل بعد الغياب = باب الأمل لا تقفـــــــله
مايوم ظني فيك خـــاب = رجاي تكفى تقبـــــــله
عطني أمل بعد الغيـــــاب
اطلب وماتطلب مجـاب = جايك قبَل ما تطلــــــبه
خذ من مطر عيني شراب = واروي ضماك وَبلـُله
خذ من بحر دمي خضاب = حطه بكفك واحمــــله
خذ من شجر عظمي شهاب = ضمه بيدُك واشعلـــه
واطلب وماتطلب مجـــــــــاب
القلب ممـــا جاه ذاب = عذًبه حبك واشغــــله
والراس من فرقاك شاب = حياة هم وبهــــــذله
اوهبني العمر الشباب = والا أنا ما أستاهــــله!!!!

كلك على بعضك عذاب = كلك على بعضك وله

محبكم(( صدى الجنوب ))