تويت
يامطول الغيبات وش ذنب الاجفان = تشكي لجمر الهجر بعد المواني
تغيرت بعدك مقاييس الازمان = حتى الثواني دهر ماهي ثواني
في غيبتك كني للاحزان سلطان = وكن السعاده شعبي اللي عصاني
أحزان اودعها وتلفيني احزان = لاراح وفد(ن) زارني وفد ثاني
ويحيط بي من كل هاجوس يقظان = يمنع عن عيوني الكرى لو غزاني
وشلون اقول النوم سلطان اذا كان = النوم متوطيه هم(ن) وطاني
ياصاحبي ماجاش في صدري اشجان = ولا خفق قلبي وهز المحاني
الا لخوفي لاتكون انت نسيان = عهد(ن) مضى واحلامنا والأماني
تدري بدونك شارد الفكر حيران = مااغروا عيوني المترفات الغواني
ياما تمنيتك تجي طيف ندمان = وتمد لي كف اعتذار(ن) نساني
ترى الندم توبه ويعقبه غفران = إن خفت ربك في تعرف مكاني
تعليق