ترف الاقدام ------
السلام عليكم
وعدتكم بالجديد وهذه اخر ماكتبت --- ان وجد متابع -- هذا واحب اقدم لكم شكرى لمتابعتكم لما نقدمه من قصيد واعتذر ان اثقلنا عليكم


زعلان يا خلي ولك عدة ايام = وش بك عسى ما شر زعلان مني

يمكن هو الواشي يحاول من العام = وش فيك صدقت الذى قال عني

احلف برب البيت ياترف الاقدام = ماكنت متوقع وخيبت ظني

ماقيل عنى كذب من فعل الاقزام= صراحه هذا الفعل منهم قهرني

من كثر حبى صعب اقيسه بالارقام = ماغير فى حبك اهوجس واغني

تشهد على حبي القوافى والاقلام = كتبت فيك اشعار من كل فني

كان الهدف جمعه على دين الاسلام = نفرح -- تهنيني وانا لك اهني

ياللاسف ضاع الامل ضاعت احلام= الممكن اللي كان عود تمني

فقدك صراحه للاسف مثل الاعدام = ما اقوى فراقك ليه هذا التجني