تويت
يانسيم الروض في وقت السحر = ياعبير الكادي بقمة( شدا)
ياشذى الريحان في( وادي جدر) = طاب يومي يوم طاب الموعدا
وعند (وادي الشاعر) القيت الشعر = وذاع سري وماخفى مني بدا
في مرايا روضك النور انكسر = وانعكس من فوق قطرات الندى
در في شتى نواحيك انتثر = واخجل التفاح لين توردا
وغصن رمانٍ محمل بالثمر = رفرف الشادي عليه وغردا
جيت أدور مبتدا يطوي الخبر = والخبر في محتواه المبتدا
وكان ودك بالسياحه والسفر = سافري فيني إلى أبعد مدى
تلتقي مالا على بالك خطر = أوعدك ماتذهب أوقاتك سدى
في من شتى المعالم والصور = مايسر أحبابي ويغيض العدا
ولك علي اشتت أسباب الضجر = بس طيعيني ولبي لي الندا
ياوليف الروح مالي مستقر = في غيابك شوق قلبي ماهدا
شف جفوني كيف حرقها السهر = ما تهنت في وثير المرقدا
راعني ياخلي وكلك نظر = رف بحالي لاتعرضني الردى
تعليق