تويت
صلوا على النبي ياجماعه,, علومنا سلامتكم يامطاليق,, ولا اكفي ربعيه الا بخدمة,, والاعلام واحدة الديرة والسيرة واحدة من عندنا لا عندكم، الزراعة ما عاد حد ينشد ولا يدري عنها والمطر يجي الله بغيث(ن) من عنده، تحوم علينا النصوب والعينة كل يوم ولا بعد جانا شئ ولكن بيجي خير والله قادر وعينه الناظرة،، ولكن الله يصلح نياتنا ولا يواخذنا باعمالنا، وما فعل السفهاء منا،، الأسواق بندرها واحد ولا على الناس خلاف يالله لك الحمد الا من قلة الما والله يفزع لنا بفزعته،، لا عد حد يحرث ولا يصرم ولا يديس،، مع الناس عتبه،، والله لا يعتب علينا ولا يغير علينا الا الى الأحسن،، من الله ثم منا الى ذا اليوم،، قلنا ودنا نجتمع مع ربعنا ورفاقتنا واخواننا أهل الديرة الي عايشين في المنطقة الشرقية ومن يبغي ويقدر يشاركنا من باقي المناطق فالله يحييه تراحيب الحيا،، ولا لاحد عذر مرة أصالة الا راعي عمل في ذاك اليوم والا عاد علم مال راعيه عنه مصاف،، ها والحاضر يعلم الغايب،، وأنا دخيلكم تقولون بنا بنا.أما من يمة موعد يوم الأجتماع فتراه بيكون ثالث خميس في محرم يعني يوم الخميس اللي تاريخه يوافق يوم (20/1/1425هج).،، واما المكان فبنحدده لا قرب الموعد ان شاء الله،، فاللي بيحضر الله يحييه ولا يهينه يسجل اسمه على شان نعزره ان كان اختلف علمه،،، هذا ما في علومنا، خصوا وانحن نقص وعفاكم على الله جميع,, وسلامتكم.
أخوكم/احمد البشيري
أخوكم/احمد البشيري
تعليق