من نهر حبك شربت وماقويـت اروى=دوم اشتهي شربة(ن) من نهرك الحالي

قلت اشرب النهر كله لين هو يطـوى=واثري من النهر ما خففـت مثقالـي

غريبة الطبع ليتي اعـرف الفحـوى=يمكن افسـر معانـي تسكـن فبالـي

مرات اهوجس واقول انك لي البلـوى=ولاشفت زولك يصيب القلب زلزالي

ومرات اعوّد واغض الروح بالتقـوى=واقول ياروح كافـي وارحمـي حالـي

ما ارتحت احبك ولا في بعدك السلوى=الهجر متعـب وحبـك زوّد الصالـي

مليت انادي وازيد الصوت بالشكـوى=مليت اوقف واخوض النهـر بلحالـي

لا انتي ملكتي زمام الحسـن بالنقـوى=ولا انتي جمالك تعدى البـدر وهلالـي

ياودي اعرف لويش انتي ابـد اقـوى=وانا لحدك واصيـر العاشـق الخالـي

يابنـت والله فـي حقـي ولا تسـوى=راعي خفوقي ودمع(ن) بالهجر سالـي

اهواك، احبك ومنـك مانويـت اروى=لا تحرمي الروح شربة نهرك الحالـي