تويت
هجينية خفيفة آمل أن تحوز رضاكم وكل عام وأنتم بخير
يلومني يوم قلت ابيات
........................ فيها الغزل يعزف لحونه
يقول وقت المراهق فات
........................ وش هو له الحب تطرونه
جاوبته وقلت له هيهات
........................ هيهات ياجاهل فنونه
وفر نصايحك لاهل الشات
........................ عيني عن الشات مصيونه
قلبي خضر وانت قلبك مات
........................ ماتعرف الحب وش لونه
إلى طرا لي الهوى ساعات
........................ بيحت سده ومكنونه
واحيان فكري يصير شتات
........................ يجول فيه ألف مزيونه
واحيان أصحا معه واوقات
........................ أصير في قمة جنونه
يبات غيري وأنا ما ابات
........................ لاهيجن الشوق بلحونه
تعليق