يامعذ بني بنارك كلها برد (ن) عليه
انت عايش في حناني وانا يائس من حنانك
لجل عينك شلت هم وجور ولقيت الاذيه
كثر ما يجرحني اسلوبك ويطربني جنانك
واهني الضامي اللي يشرب اسمك واهنيه
عزتي للي يحول يجذب اسمه من لسانك
احلف اني لو اشافك ما ابادلك التحيه
وحين احس انك قريب اجيك واتحسس مكانك
ما تخون الدرب رجلي دامت الخطوه وفيه
وما اظن الليل يخفي الحب لو صنته وصانك
يوم شفتك قمت اغني باللحون السامريه
واتلعثم في هروجي لي تثني خيزرانك
حسبك الله كيف ما قدرت لك مدت يديه
يوم غرك وقتك الزاهي بجبروته واهانك
قصتي واياك يالمحبوب صارت مسرحيه
والبطل فيها من الفرحه قتيل بـ . مهرجانك
اااه منك واحسافه ضعت في روحه وجيه
شتت الله شمل من شتت محبينه عشانك
وشي واحد ما جحدته يبقى فضل(ن) لك عليه
اذا انتهيت من القصيده قلت لي صحت لسانك

فتى عليان