حبيب الروح
كانت ليله ممطره فشاورت نفسي قلت ويش انت شايفه نمطر الاخوه بهذا المنتدى بقصايدك اخيرا وافقت وهذه قصيده من قصايدى متواضعه جدا جدا على امل ان تحوز على رضاكم
اخوكم / علي الشدوي

يا حبيب الروح فكـر لوشـوي = ترحم اللي زاد شوقه والهيـام
حبك اللي وسط قلبي لـه دوي = نار تشعل فيه من زود الغـرام
اشهد ان القلب من حبك شوي = ما تخاف الله ,, لا هذا حـرام
يا عذابي منك يالصعب القـوي = كل عمرى حزن والدنيا ظـلام
قبل احبك كنت مرتـاح سـوي = صابني من نظرة اعيانك سهام
من نظر حالي نطق هذا غـوي = ليه تقوى الهجر ياظبى العدام
يا رفيع الشان لو قلبـي روي = لو عطيته من حنانك ما تـلام
المرض بالجسم اصبح له خوي = والسهر تشكيه عيني ما تنـام
انت وحدك بس قلبي يهتـوي = ما تروف الحال يا البدر التمام