إسمحوا لي بتكلم ، وبالصوت الشهير %% عبر موجات الحقيقه ، وفي كل إتجــــــــــاه


وإنشروها فالمجالس ، يصير اللي يصير%% خصمها مغلوب وأرض الله أقرب من سماه


يامدور للأماره على النور القصير!%% الأماره مركبٍ صعب ماكلٍ قــــــــــــــــــــــــــواه


الأماره كيف وشداد ولسانٍ شطير %% ومجلسٍ مفتوح من جا يدور له لقـــــــــــــــــــاه


والتواضع والسماحه وعقلٍ مستنير %% وإرتفاع النفس عن مرتع الظلــــــــــــــم ورداه


أشهد إن (المشيخه) تفضح العقل الصغير %% وترفع اللي ربه أكمل له العقل وهــداه


كم هبيلٍ جاب ختمٍ كبر خف البعير! %% حصله بالواسطه لو ماهو في مستــــــــــــواه


مظهره بالبشت والهيكله مظهر وزير!%% وإن طلبته علم كنك تهرج لك حصـــــــــــــاه


(الشيوخ) أصناف وإنشد عن الواقع خبير %% بعضهم يسوى ميه ،بعضهم ماله حياه !


مشكلة كل القبايل من ال؟؟؟ الحقير %% لايجيب حقوق ربعه ولايكفي غثــــــــــــاه


من خدم ربعه بصدق ونقا هو الامير %% جعل شيال الختوم الدعائيه فـــــــــــــــــداه


الموفق للرفاقه يشير ويستشير %% والكلام اللي يقوله يصونه ويحمــــــــــــــــــــاه


ويتواضع بينهم للصغير وللكبير %% كلهم عنده سوى ماظلم هذا لــــــــــــــــــــــذاه


وقفته في واجبه تجبر العظم الكسير %% ذمته بيضاء ولايختلف بنياً بنــــــــــــــــاه


الرجال يميزون الحكيم من الغرير %% الغرير يغر ربعه ، ماحد منهم يبـــــــــــــــــاه


جنبوا عنه وقعد فالخلا ماله شوير %% مثل طرقيْ لحاله ، مامعه إلا عصـــــــــــاه


خير مافالرجل صدق النوايا والضمير %% والغناه بطاعة الله ياطلاب الغنــــــــــــاه


القصيده منقوله0