تويت
يا جديد الجرح رحبك قديمه = اسكن ابقلبي مع باقي الجروح
مني الترحاب بك قدرا وشيمه = خلك بقربي وعني لا تروح
من يرحب بالعذاب الي يضيمه = غير قلب بالعناء دايم يفوح
راحت الايام با احلام عضيمه = مثل ذاك اليل تطويه الصروح
كان وقتي كله اصرار و عزيمه = والهوى والحب احلام و طموح
واثر ذاك الحب سبب لي ظليمه = الصدق طبعي وهو طبعه مزوح
والمشاعر عندها كانت عديمه = تختفي مثل السراب الي يروح
وكل ما سوت تقول ما هو جريمه= تطلب الفرقا وفوق هذا السموح
يا قديم الجرح لا ترجع كغيمه = ما روت قلبا تعنى مالجروح
تعليق