اخواني اعضاء منتدى الديره

كل عام وانتم بخير وشهر مبارك

قصيده جديده اتمنى ان تكون خفيفة الظل عليكم



شريان المحبه

الزمان اللي جعلني بين خلق الله مسبه=قامت ايامه تناور ني ولا ادري وش وراها
قالو انه خوف وانه ضعف نيراني تشبه=يوم شافوني مشتت والدموع اقبل عزاها
العيون اللي تناظر كن راعيها مشبه=واللسان اللي تسولف بي تقول على عماها
عاذلي خله يموت بحرته قبل يتنبه=قبل يدري ان الحبيبه سافرت والله معاها
وان دمعي دمع عاشق ما قوى فرق الاحبه=شامخ (ن) مرفوع راسه والعيون تهل ماها
في امان الله ياأغلي من غمر قلبي بحبه=في امان الله ياأحلا من تملكني غلاها
في مرابيع الحنايا بيتها ما أحد(ن) يطبه=ماسكن قلبي سواها من بياصل مستواها
ان حكت فاح العبير وكن به ريح تهبه=داعب الكادي وقام الورد ياخذ من شذاها
هي هواي وهي حياتي هي سبب جرحي وطبه=كلمة منها لروحي كنها صبت دواها
تامر وتنهي اوامرها حلا ل ومستحبه=صرت كلي رهن اشارتها عسى عمري فداها
ما دريت ان الغلافي داخل اعماقي تصبه=احسب اني بارضها واثري معلق في سماها
سافرت عني دواء جرحي وشريان المحبه=سافرت ربي يخليها ويسعد لي مساها
حتى قلبي ماتحمل قام ينبض حبه حبه=تاه ربعه راح نصفه ضاع كله في هواها
قلت ياقلبي علامك قال احبه ثم احبه=والمحبه (يافتى) تاجي كذا والابلاها


مع محبتي

فتى عليان