.....................................اغلى اجتهادي

الصمت من حقي .... ومن حقك البوح
....................................حقي عتابك وانت حقك عـنـــادي
يا صاحبي في ما تســويه مسمـوح
....................................خذ راحتك ذا يعتبر شـي عـــادي
لكن فسر كل الاســباب بوضــوح
....................................وبعدها ......... كـلٍ يحـدر بــوادي
ما دام شفتك تخلط الجــد بمـزوح
....................................حلفت ما أخلي عليك اعتمــــادي
كنت احسب انك بالوفا جيت..وتروح
....................................واثرك تحاول كل يوم اضـطهـــادي
وجهت لك نقدي معرف ومشـروح
....................................والحمد لله بان فيك انـتــقــــــادي
تنسى وتجرح بعد ما كنت مجـروح
....................................الكره عندك رمز والحب غـــــــادي
حاولت ترتيبك وانا كلي طمـــوح
....................................وتعبت ..... لكن مـا تحقق مـرادي
حماسك المعهود ما منه مصـلـوح
....................................الجمر مهما احمر يصبح رمـــــــادي
اللي بقالك عندي احزان وجــروح
....................................واللي بقالي عندك اغلى اجتهــادي
العام كنت اشوفك اغلى من الـروح
....................................واليوم اشوفك للاسف شخص عادي
h14s4am@hotmail.com
054852775