عندما تتراقص الكلمات بكل صدق وعفويه واخلاص لتعبر عن

المكنون وحب الوطن والعشق الكبير له في قلوبنا ونكتب له

وعنه وفيه بكل صدق وامانة واخلاص .



.............(يابلدنا دام عزك في حمى رب(ن)يجود)...........



يابلدنا دام عزك في حمى رب(ن) يجود

رغم كيد الكايدين ورغم انف اللي حسود



ورغم كيد الطامعين والخسيس اللي حقود

السعودي رافع الهامه بدينه والعروبه والجدود



ماتخلى عن مباديه القويه ولاتخلى عن وعود

ولا تنكر للصداقه يوم كل(ن) له جحود



طير شلوى اشهد انه طير سوا له بنود

يوم وحدها بسيف (ن) فيصلي(ن) له حدود



قال بسم الله مشينا يوم وحدها السعود

واسس البنيان راسي في طلوع وفي صعود



ترتفع راية بلادي شامخه شمخ الاسود

يكتب التاريخ عنها وكل يوم(ن)فيه زود



وقايد النهضه الحديثه الفهد ابن الفهود

خادم البيتين تشهد له مشاريع وسدود



والمصانع والمعاهد والمرافق والمراسي والعقود

وكل شبر من بلادي والفهد عنها يذود



ثم عبدالله امير(ن) اجودي(ن) بالشجاعه والجهود

فاتح(ن)قلبه لشعبه بالمحبه والورود



ومايمل من الضيافه ماخذ(ن) فيها عهود

الكريم ابن الكريم يوم تنخاه الوفود



وانت ياسلطان درع(ن)للجزيره والعمود

جيشك الضاري سندنا يافخر كل الجنود



نفتخر بانك معانا دندني(ن)يوم تجهيز الحشود

سيف(ن)ابتر عالرقاب الخارجيه والضدود



ثم نايف امننا الساهر علينا يوم امان الله يسود

الجهود اللي بذلها بالعيون اللي سهود



يحتمينا من وساويس(ن) تجينا بالضلال وبالجمود

والعلوم اللي خطيره ماوراها الا يهود



سيري يادفة بلادي والسواعد لك تقود

المواطن والحكومه شعب واحد في الصمود



خيرنا في الدين كله وفي الصلاة وفي السجود

والصلاة على محمد نختم احكام الردود




........شعر/النمرالعربي