يوميات موظف بسيط
أحمــد موظف بسيـط.. منكّــدة أكثــر حيــاته
..........................................أقساط التاكسي وأجـار البيت وديــون الـــزواج
مامعـه غير التّـمنـي وأحــلى مافيــه أمنيــاتــه
..........................................ثوبه المشقوق وأغلــب عفــش بيته م الحــــراج
مــايجي بعـــد العمــل إلا ويــتمنــى وفـاتـــه
..........................................في يمينـه عيـش ويســاره نصف حبّــه دجـــاج
يرمي الغتــره ولعنــات المديــر على شفــاتـــه
..........................................قــال يعطي ترقياتــه هــو على حسب المـــزاج
بعدهــا..يرتــاح..يتغــدا..ويستجمــع شتــاتـه
..........................................يـدعي الحرمــه ويطلبهــا تســوّي لــه مســاج
بعدها يصحى..يصـلي العصر..يدعي في صـلاته
..........................................يــارب تخلّـص ديـوني..يـارب..يـالله الخـراج
شغّل التاكسي.. مشى في هالشوارع.. وأمسيـاته
..........................................كلّهــا هــرج..ومـرح..ركّــاب..وهـدوء..وهيـاج
مــاربط أحمد حزامه.. يضرب الجنـدي قفاتــه
..........................................قــال خذ هذي القسيمه..بطّـل الّلعـب الهمــاج
بعـدهــا يرجــع لبيتـه....يلقى أولاده بناتــــه
..........................................يايبه.. دفتـر..قلـم..مرسـم..وهــات الاحتجـاج
راح يشكي لزوجتــه همّــه قبـل يقضي مبـــاته
..........................................قـالت أبغى مثـل جارتـنـا طـقــم كــلّـه زجـاج
مابقى له غير همّه.. يـشكي همـــومه لـــذاتـــه
..........................................من كثر ماهــو يفكّــر صــاب عقــلـه ارتجـــاج
مــابقى لـــه غير أحــلامٍ.. تواسيــه بـسبــاتـه
..........................................كم من أحمد فيك ياهذا البلد؟؟؟؟وش هو العلاج
عيدان الكناني