تويت
الشرود
اسقطت بغداد واطمن اليهود = واختفى صدام في لمحة بصر
والحقيقه جعل مثله ما يعود=وش يفيد اذا رحل والا حضر
خاين وكذاب نقاض العهود = ساعة احتاجوه شعبه ما ظهر
وين وحراسك وذولاك الجنود= واسلحتك اللي قتلت ابها البشر
وين ابابيل وصواريخ الصمود= وين قواتك عسى مالك مقر
تختفي وتغيب يالنذل الشرود = تختفي والشعب كله في خطر
تختفي والناس عن عرضك تذود = وش بعد تبغى وش اللي تنتظر
كان مت مثيل ما تموت الاسود= كان مت وكل نفس ٍ تحتضر
خنت دينك وامتك وارث الجدود = خنت كلش بالمفيد المختصر
خيب الله قايد ٍ مثلك يقود = خابت ام ٍ جابتك بطن وظهر
السما والارض والعالم شهود =في نهار ٍ ما يجيلك تعتذر
يا عراق المجد جاك ايام سود=ضعت قهر وعشت قهر ومت قهر
عوض القرني
__________________
تعليق