مساء الخير بصراحة كل الموضوع لا فضايح ولا شى كل الموضوع جالسة اتخيل البنات وهن بالملعب يعنى بصراحة خيال بخيال وياليت محد يزعل من الموضوع لانة للضحك بس ---- ----------------------------************************************************

*** هلالية ونصراوية يتهاوشون..النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟
الهلالية: وع على لاعبينكم القواطي مالت عليهم...ما عندكم صاحي إلا صايب وبدا يخرب بعد... بعدين لو فيك خير ما لبستي عباية كتف

*** أم تهاوش بنتها المراهقة : وجع إن شاء الله تغطي... شوفي هذاك من اليوم يناظرك ... ترى والله لأعلم أبوك عليك
*** وحدة عربجية تصايح : يا حارثي يالنذل ...لا تكسّر سامي
حسبي الله عليك بلا .....

*** وحدة تبكي قلبها متقطع وأختها تقول: خلاص يا بنت الحلال... قسم بالله التيماوي إصابته بسيطة...شوفيه بيرجع للملعب مرة ثانية..

*** حرمة كبيرة: الله يهديه أبو عبدالله ما لقى يعزم إلا اليوم .. خليت الجريش على الفرن والله يستر ما يحترق ...

*** وحدة دلوعة: لو سمحتي معك كريم واقي من الشمس؟ ما لقيت كريمي

*** وحدة فاضية : ما شفتوا عدستي الرمادية؟ طاحت الله ياخذهها ....

*** وحدة ثانية فاضية: من يعرف طريقة محشي ورق العنب؟ عجزت أضبطه

*** وحدة تزعّق من الهجمة اللي ضاعت واللي وراها ناشبة بحلقها : "لو سمحتي..لو سمحتي..وش اسم عطرك؟"...طرااااخ صوت كف متعوب عليه

*** هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك..... يا عسكرييييييييي ....

*** وحدة بريئة : يا حبي لك يا شلهوب ياصغيرور ...

*** وحدة ما تدري وين المباراة معه : أحلى على الطول يا مفرج...

*** وحدة مسوّية نفسها فاهمة: يوردانيسكوووووو...طلّع النزهان ودخّل
بداله سيرجيو (سيرجيو يلعب من البداية) وقدّم خميس قدام ... ونزّل أبو يعقوب الله يقلعك......

*** وحدة تسأل اللي جنبها: من أحلى عندك السلومي والا حسن والا احمد والا ضاري ؟
الثانية ردت : تركي العواد

*** وحدة تراقب الفاول ويدها على قلبها واللي جنبها تقول : البارح
رحت العقارية.. بس ما لقيت شي حلو الله يقطعهم ... عبايتك مشتريتها من سيدتي الجميلة؟؟؟؟؟؟؟ هههههه اختكم شوق