بديتي لغز حيرني وخلاني من اول هم
وجيت اقراك من ثاني لقيت الهم بعض اوهام

كتبت برحلتك الاولى قصايد حبرها من دم
وجهلي بك جعلني بالنصوص علامة استفهام

وطالعت المدى كله لقيته ضايق(ن) مغتم
على شان الرحيل اللي بدت به لوحة الرسام

وحاولت اعرف المعنى واقرب للحدث وافهم
لقيت اني حليلي تو طفل في سكة الاحلام

وقلبت امتعت صالح ودورت السبب مهتم
لقيت بشنطتي نيه وبفت ابيض وسين سلام

وقلت اقول ياصالح توكل واتكل قم قم
وش اللي تنتظر هنيا ومضمار السعد قدام

على طول المدى وانا لجرح السالفه بلسم
وجبر الخاطر المكسور ومشفى للوجع وليام

وش اللي جيت له الا تجسد لللحدث مأتم
وتحمل ذنب مو ذنبك وترمق فعلة الظلام

تبي لك يا انت كلمة راس وهمسه ماتعدى الفم
مكانك فوق عالي فوق كما خبرك بذاك العام

وتبقى الكلمه الكلمه ويبقون اهلها الملهم
ويبقى الحرف لاهل الحرف مداد الحس والالهام

وتبقى الصدفه المكتوب ومقدور الصدف يحتم
وتبليغ الصور ميزة تباري ريشة الاقلام

ويا والله دروب الشك مانبسط لها ونضم
ولانترك لها هنيا بميدان الصفا منظام

ولانملك يكون الكيف ولانعرف نجي بالكم
ولو نبغي نملي البيض لخلينا الصفاح اكوام

ولكن كل ماقل دل وماينقص نبيه يتم
وكلمة راس قلناه نبيه يانت مسك ختام

صالح الشدوي